UEFA CHAMPIONS LEAGUE:Atletico Madrid irakira Real Madrid,Juventus yakire AS Monaco-BYINSHI KURI IYI M IKINO

Atletico Madrid vs Real Madrid

Isaha: 2h 45’

Ikibuga: Vicente Calderon

Abakinnyi bashobora kuza kubanzamo ku mpande zombie:

AtleticoMadrid (4-4-2): Oblek, Godin, Miranda, Gamez, Juafran,Koke, Tiago, Turan, Gabi, Mario Mandzukic na Griezman.

Umutoza: Diego Simeone

Real Madrid (4-3-3): Casillas, Ramos, Pepe, Carvajal, Marcelo, Modric, Kroos, James Rodriguez, Bale Benzema na Cristiano Ronaldo.

Umutoza: Carlo Ancelotti

Ni ayahe makuru ari muri buri kipe?

Atletico Madrid: Ikipe ya Atletico Madrid iri bwakire Real Madrid iraza gukina uyu mukino idafite Raul Garcia n’ubwo agishidikanywaho kubera ikibazo cy’ imvune amaranye iminsi, gusa araza kuba ari ku ntebe y’ abasimbura ndetse akaba yaza kwitabazwa bibaye ngombwa.

Diego Simeone utoza Atletico Madrid

Simeone ari kumwe n' abakinnyi mu myiteguro yo kongera gutsinda Real Madrid

Umutoza w’ ikipe ya Atletico Madrid, Diego Simeone yamaze gutangaza ko ba rutahizamu be Mario Mandzukic na Antoine Griezman, bombi bameze neza muri iyi minsi bitewe n’ uburyo bamaze iminsi bitwara mu kibuga, baraza kubanzamo, byumvikane ko Diego Simeone ashaka itsinzi yazamubera impamba ku mukino wo kwishyura uzabera ku kibuga cya Real Madrid.

Atletico Madrid irushwa amanota 7 na Real Madrid muri shampiyona, gusa kuba iheruka gutsinda imikino 3 yayihuje na Real Madrid ni ikindi kintu kiza gufasha abakinnyi ba Diego Simeone. ikindi kuba uyu iri bukinire imbere y’ abafana bayo nabyo biraza gutuma itorhera umukeba.

Atletico Madrid iheruka kunyagira Real Madrid ibitego 4-0 byose

Real Madrid: Ikipe ya Real Madrid irakina uyu mukino ifite abakinnyi bayo bose cyane ko nta mvune iri muri iyi kipe ndetse nta n’ umukinnyi n’ umwe wahagaritswe ku buryo ataza kugaragara muri uyu mukino. Gareth Bale utaragaragaye ku mukino wa shampiyona Real Madrid yatsinzemo Eibar ibitego 3-0, araza kuba ahari kuri uyu mugoroba ndetse anabanze mu kibuga.

Kuva James Rogriguez yava mu mvune yamazemo iminsi, ikipe ya Real Madrid irimo iritwara neza ndetse inatsinda ibitego byinshi kuko mu mikino 3 gusa iheruka gukina muri shampiyona yatsinzemo ibitego bigera kuri 14, bigaragara ko muri iyi minsi ubusatirizi bwa Real Madrid buri gukora cyane ndetse Carlo Ancelotti akaba atangaza ko yizeye umusaruro uza kuboneka hagati ya B-B-C (Bale-Benzema-Cristiano) ndetse na James Rodriguez.

Real Madrid iraza kuba ikina uyu mukino izirikana ko imaze iminsi itoroherwa na Atletico Madrid, umukeba basangiye umujyi wa Real Madrid, ariko na none kuba imaze iminsi itsinda kandi ibitego byinshi biraza kuyifasha cyane mu buryo bw’ icyizere.

Umutoza wa Real Madrid, Carlo Ancelotti araza gukina uyu mukino azi neza ko agomba gushaka uburyo bwose bushoboka ngo asezerere Atletico Madrid kuko bitabaye ashobora no kuzahita ahambirizwa utwe, kuko byaba bigaragara ko adashoboye FC Barcelona na Atletico Madrid cyane ko ari nayo makipe baba bahanganye, bityo ubuyobozi bwa Real Madrid bukaba butabyihanganira.

Ni abahe bakinnyi bashobora kuza kwigaragaza muri uyu mukino?

Cristiano Ronaldo

Cristiano Ronaldo ni umwe mu bakinnyi bashobora kuza kwitwara neza muri uyu mukino. Cristiano amaze gutsinda ibitego 48 muri uyu mwaka w’ imikino, kugeza ubu akaba ari we umaze gutsinda ibitego byinshi ku mugabane w’ u Burayi. Mu mikino 3 iheruka amaze gutsinda ibitego 6 wenyine muri 14 ikipe ye yatsinze muri iyi mikino.

Cristiano Ronaldo ni umwe mu bakinnyi bashobora kuza kwigaragaza cyane muri uyu mukino

Cristiano Ronaldo arusha umubare w’ ibitego ba rutahizamu ba Atletico Madrid Mario Mandzukic na Antoine Giezman bamaze gutsinda dore ko Cristiano Ronaldo afite ibitego 8 naho Mandzukic na Griezman bakagira ibitego 7 bombi, mu mikino ya UEFA Champions league y’ uyu mwaka.

James Rodriguez

James Rodriguez ni umwe mu bakinnyi bafatiye runini ikipe ya Real Madrid dore ko kuva yava mu mvune kugeza ubu Real Madrid irimo yitwara neza, bitandukanye n’ uko yari yitwaye igie yari mu mvune, ndetse dushingiye ku ruhare rwe muri iyi mikino Real Madrid yatsinze.

Mario Mandzukic wa Atletico Madrid ari mu bakinnyi bari buze kwitwara neza muri uyu mukino

Juventus vs AS Monaco

Isaha: 2h45

Ikibuga: Juventus Stadium

Abakinnyi bashobora kuza kubanzamo ku mpande zombi:

Juventus (4-3-1-2): Buffon, Bonucci, Chiellini, Evra, Lichtsteiner, Marchisio, Pirlo, Pereyra, Vidal, Tevez, Morata.

Umutoza:Massimiliano Allegri

AS Monaco (4-3-3): Subazic, Abdennour, Wallace, Kurzawa, Fabihno, Toulalan, Moutihno, Kondogbia, Ferreira-Carrasco, Berbatov na Dirar.

Umutoza:  Leonardo Jardim (José Leonardo Nunes Alves Sousa Jardim

Leonardo Jardim mu mibare myinshi iganisha gukura amanota atatu mu Butaliyani

Ni ayahe makuru ari mu makipe yombi?

Juventus: Ikipe ya Juventus iraza gukina uyu mukino ibura abakinnyi benshi bagera kuri 5; Kwadwo Assamoah, Romulo, Paul Pogba, Martin Caceres na Luca Marrone. Kuba Juventus iza kuba idafite Paul Pogba ni icyuho gikomeye cyane, ndetse na Andrea Pirlo akaba agishidikanywaho n’ ubwo ari mu bakinnyi bashobora kuza kubanzamo.

Gusa ku rundi ruhande kuba abakinnyi nka Carlos Tvez bamaze iminsi bitwara neza kandi banitwaye neza mu mikino iheruka, hakiyongeraho no kuba Juventus iza kuba ikinira imbere y’ abafana bayo ni izindi ngufu iyi kipe iza kuba igenderaho.

Kuba Juventus yaratsinzwe na Parma igitego 1-0 mu mukino wa shampiyona bishobora kuza kugira ingaruka kuri uyu mukino, mu gihe AS Monaco yo kuba yaratsinze Caen bishobora kuza kubaha ikindi kizere cyo kwitwara neza kuri uyu mukino.

AS Monaco: Ikipe ya AS Monaco iraza kumanuka mu kibuga ibura abakinnyi 2 gusa; Lacina Traore na Tiemoue Bakayoko bombi bafite ikibazo cy’ imvune, gusa Tiemoue Bakayoko akaba ashobora kuza mu bakinnyi bari busimbure.

Abakinnyi bose bameze neza uretse abakinnyi 2 gusa

AS Monaco ni ikipe itarahabwaga amahirwe yo gusezerera Asrsenal, ariko iza kubigeraho n’ ubwo bitari byoroshye dore ko mu mikino 2 amakipe yombi yanganyaga ibitego 3-3, ariko ikaza gufashwa no kuba yari yatsindiye Arsenal mu Bwongereza ku bitego 3-1. Nyuma yo gusezerera Arsenal abantu bahise babona ko AS Monaco iri mu marushanwa koko. Ibi biraza kuba biyifasha gutegura uyu mukino neza.

Umutoza wa AS Monaco, Bernardo Silva yahisemo kubanza mu kibuga Dimitri Berbatov ngo asatire izamu cyane ko yari yamuhaye akaruhuko mu mukino wa shampiyona bakinnye mu mpera z’ icyumweru, bityo akaza kuba ayoboye ubusatirizi.

Urabona ari iyihe kipe waha amahirwe yo kuza kwitara neza muri mikino?

Alphonse M.PENDA