Rugirayabo Hassan bita Kasusu myugariro wari umaze umwaka umwe muri Mukura Victory Sport, yamaze kongera gusinya andi masezerano azamugeza mu mpera z’umwaka w’imikino 2019-2020 yambara umuhondo n’umukara.
Rugirayabo wakinnye mu makipe nka Esperence na FC Marines kuri ubu azakina imikino Nyafurika ihuza amakipe y’intyoza mu bihugu bya Afurika (Total CAF Confederation Cup) bitewe n'uko Mukura Victory Sport yatwaye igikombe cy’Amahoro 2018 itsinze Rayon Sports penaliti 3-1 ku mukino wa nyuma banganyijemo 0-0.
Rugirayabo Hassan myugariro w’inyuma iburyo n’ibumoso muri Mukura Victory Sport yatangiriye umupira w’amaguru mu ikipe ya Esperence FC (Kimisagara) mbere yo kugana muri FC Marines. Yazamukiye muri Esperence FC ya Kimisagara akinamo imyaka itanu kuko yazamuwe mu bakinnyi bayo bakuru mu 2013.
Rugirayabo Hassan arambika Manishimwe Djabel ku mukino wa nyuma w'igikombe cy'Amahoro 2018
Nyuma gato, Esperence FC yaje kongera kumanuka mu cyiciro cya kabiri ahita agana muri FC Marines mu 2015 avamo mu mpera za 2016 agana muri Mukura VS amazemo umwaka umwe w’imikino (2017-2018).
Rugirayabo Hassan (5) ni umukinnyi ubanza mu kibuga
IKIGANIRO NA RUGIRAYABO HASSAN KU BUZIMA BWE
TANGA IGITECYEREZO