Nyuma yuko imikino 15 yo kwishyura ya kimwe cya 16 cy’irangiza mu irushanwa ry’igikombe cy’Amahoro irangiye hamenyekanye amakipe azakomeza mu kindi cyiciro, ikipe ya Rayon Sports yisanze kumwe na Musanze mu gihe APR FC iri kumwe na Sunrise FC.
Imikino ya 1/8 cy’irangiza mu irushanwa ry’igikombe cy’Amahoro cy’uyu mwaka wa 2017 izakomeza gukinwa kuwa 13 na 14 Gicurasi 2017 mbere yuko hakinwa imikino yo kwishyura mu matariki y’icyumweru hagati kizakurikira.
Rayon Sports na FC Musanze zizahura hagati ya tariki 13-14 Gicurasi 2017 nyuma yuko zizaba zahuye mu mukino wa shampiyona uteganyijwe mu mpera z’iki Cyumweru. APR FC iheruka gutsinda Sunrise FC igitego 1-0 muri shampiyona, bazaba bongera guhura mu mikino ibiri ya 1/8 cy’irangiza.
Dore uko amakipe azahura muri 1/8
*Rayon Sports vs Musanze Fc
*APR Fc vs Sunrise Fc
*AS Kigali vs Mukura VS
*Espoir Fc vs Etincelles Fc
*SC Kiyovu vs Marines Fc
*Amagaju vs Aspor/La Jeunesse
*AS Muhanga vs Bugesera Fc
*Gicumbi Fc vs Police Fc
Rayon Sports igomba kuzakina na FC Musanze mu buryo bukurikiranye
FC Musanze yakomeje muri 1/8 itsinze Isonga FC igiteranyo cy'ibitego 7-1
APR FC iheruka gutsinda Sunrise FC igitego 1-0 bazongera bahure mu mikino ibiri y'igikombe cy'Amahoro 2017
Mu mikino yo kwishyura muri 1/16 yabaye kuri uyu wa Gatatu tariki 26 Mata 2017, habonetsemo mpaga ebyiri ku bibuga bibiri bitandukanye.
Esperence FC ntiyageze ku kibuga cya Rusizi mu gihe Vision JN FC itakandagiye kuri sitade Muhanga aho yagombaga guhurira na AS Muhanga.
Umukino ubanza, Espoir FC yari yanyagiye Esperence FC ibitego 4-1, byabaye ngombwa ko bayitera mpaga banayisezerera ku giteranyo cy’ibitego 7-1.
AS Muhanga yari yanyagiye Vision JN ibitego 4-0 mu mukio ubanza, yayigeretseho mpaga iyikuramo ku giteranyo cy’ibitego 7-0.
Amagaju FC azahura n’ikipe izava hagati ya Aspor FC na La Jeunesse FC, amakipe azisobanura kuri uyu wa Kane tariki 27 Mata 2017. Umukino ubanza La Jeunesse yari yatsinze Aspor FC ibitego 2-0.
Dore uko imikino ya 1/16 yarangiye:
Kuwa Kabiri tariki 25 Mata 2017
*Rayon Sports 3-0 Rugende FC (12-0)
Kuwa Gatanu tariki 26 Mata 2017
*Mukura VS 1-0 Intare Fc (5-0)
*Sunrise Fc 3-0 Rwamagana City Fc (5-0)
*Police Fc 5-1 United Stars (6-1)
*Bugesera Fc 3-0 Hope Fc (4-1) Marines
*Fc 2-0 Pepiniere Fc (3-0)
*Etincelles Fc 0-1 Kirehe Fc (2-1)
*SC Kiyovu 5-0 Etoile de l’est (6-1)
*Amagaju Fc 8-1 Akagera Fc (10-2)
*AS Muhanga 3-0 Vision JN Fc (7-0)
*Gicumbi Fc 0-1 Miroplast Fc (2-1)
*APR FC 1-0 Vision FC (4-0)
*Musanze FC 4-1 Isonga FC (7-1)
*AS Kigali 2-0 Heroes FC (3-0)
Kuwa Kane tariki 27 Mata 2017
*La Jeunesse vs Aspor Fc (Mumena, 15:00)
Abafite ibitego byinshi:
1.Nahimana Shassir (Rayon Sports) 5
2.Wai Yeka (Musanze) 5
3.Amani Mugisho (Amagaju) 5
4.Nizeyimana Claude (Kiyovu Sports) 4
5.Danny Usengimana (Police Fc) 3
6.Lomami Frank (Rayon Sports) 3
Eng
RSS 
TANGA IGITECYEREZO