LDK na GS Remera Rukoma bimwe mu bigo byabonye itike y’imikino ya FEASSA 2018 nyuma yo kwitwara neza muri Kagame Cup 2018-AMAFOTO

Muri iyi mikino, ibigo nka LDK, GS Remera Rukoma , APE Rugunga, IPRC Kigali, ADEGI Colege St Marie Reine, ES Save na Colege Kirambi nka bimwe mu bigo bisanzwe bifite izina muri siporo, babonye itike nkuru ibaganisha mu mikino ya nyuma ya ihuza ibigo by’amashuli yo mu Karere ka Afurika y’iburasirazuba (FEASSA), imikino izabera mu Rwanda mu karere ka Musanze tariki 10-20 Kanama 2018.

1.VOLLEYBALL:

GS Ingangaburezi (Rughango VC) batwaye igikombe mu bakobwa

Duherere mu mukino w’intoki wa Volleyball mu cyiciro cy’abakobwa, GS.Indangaburezi (Ruhango VC) batwaye igikombe cy’Amashuli Kagame Cup 2018 banyagiye St Aloys Rwamagana amaseti 3-0 ku mukino wa nyuma. IPRC Kigali yatwaye umwanya wa gatatu itsinze St.Joseph Kabgayi amaseti 3-1.

Mu cyiciro cy’abahungu, St.Joseph Kabgayi yatwaye igikombe cy’Amashuli Kagame Cup 2018 itsinze Don Bosco Gatenga amaseti 3-2 ku mukino wa nyuma mu gihe PSVF Karubanda yatwaye umwanya wa gatatu itsinze CX.Roi amaseti 3-2.

2.BASKETBALL:

LDK yatwaye igikombe mu bakobwa 

ES St Bernadette yabaye iya kabiri mu bakobwa

APE Rugunga  yatwaye igikombe mu bahungu

LDK yabaye iya kabiri mu bahungu

Mu mukino w’intoki wa Basketball naho byari ibicika kuko mu bakobwa ikipe ya LDK yatwaye igikombe cy’Amashuli Kagame Cup 2018 itsinze ES St Bernadette amanota 69-23 ku mukino wa nyuma ari nako ADEGI itwara umwanya wa gatatu itsinze ENDP Karubanda amanota 56-45.

Mu bahungu, ikipe ya APE Rugunga yatwaye igikombe itsinze LDK amanota 57-48 ku mukino wa nyuma naho Col.St Marie Reine itwara umwanya wa gatatu itsinze ETENI Gisenyi amanota 83-70.

3.HANDBALL:

Muri uyu mukino w’intoki wa Handball nawo umaze gucengera mu bana bakiri mu mashuli, Ecole Secondaire de Kirambo yatwaye igikombe itsinze APEGA ibitego 25-22 ku mukino wa nyuma. Ecole Secondaire de Gikonko umwnya wa gatatu itsinze Ecole Secondaire de Kabarondo ibitego 20-17 mu cyiciro cy’abakobwa.

Mu cyiciro cy’abahungu, ikipe ya ADEGI (Gituza)yatwaye igikombe itsinze St Aloys Rwamagana  ibitego 35-28 ku mukino wa nyuma naho umwanya wa gatatu utahanwa na College de Gisenyi itsinze ESEKI ibitego 25-21.

4.NETBALL:

GS Gahini yatwayebigikombe

Mu mukino w’intoki wa Hanball ukinwa n’abakobwa, Groupe Scolaire Gahini yatwaye igikombe itsinze St.Aloys Rwamagana amanota 39-30 ku mukino wa nyuma. Umwanya wa Gatatu watwawe na Ecole Scondaire de Save itsinze ES Nyamirama amanota 23-15.

5.RUGBY:

ASPEKA yatwaye igikombe 

Muri uyu mukino w’ingufu wa Rugby, ikipe ya ASPEKA (Kamonyi) yatwaye igikombe cy’uyu mwaka itsinze igikombe itsinze JAM ibitego icumi kuri birindwi (10-7) mu gihe umwanya wa gatatu watwawe na LDK itsinze APARUDE ibitego 7-5.

APARUDE yabaye iya kane muri Rugby

6.FOOTBALL:

CIP yatwaye igikombe 

Ikipe y'ikigo cya CIP ubwo byari mu mwanya wa penaliti

LDK yatsindiwe ku mukino wa nyuma 

Mu mupira w’amaguru uba utegerejwe n’abatari bacye, ikipe ya GS Remera Rukoma yatwaye igikombe cy’uyu mwaka ku nshuro yabo ya kabiri batsinze GS Shwemu igitego 1-0 ku mukino wa nyuma. Umwanya wa Gatatu watwawe na GS Nyange itsinze GS Kabusunzu igitego 1-0.

Mu cyiciro cy’abahungu, ikipe ya CIP (Muhanga) yatwaye igikombe  itsinze LDK penaliti 4-3 nyuma yuko iminota 90’ y’umukino yari yarangiye banganya igitego 1-1.

GS Remera Rukoma  (Abaklobwa) yatwaye igikombe mu mupira w'amaguru

GS Remera Rukoma (Abakobwa mu mupira w'amaguru) na Rugby (Abahungu) batwaye ibikombe 

Umuhango wo gutanga ibikombe  wabereye muri St Joseph Kabgayi

GS Shwemu yabaye iya kabiri mu mupira w'amaguru mu bakobwa 

Mu mikino ya FEASSA 2018 igomba kumara iminsi icumi uhereye tariki 10-20 Kanama 2018, u Rwanda rwemerewe kuzajya ruhagararirwa n’amakipe ane (4) muri buri mukino nk’inyungu ya mbere ku gihugu cyakiriye irushanwa mu gihe ibindi bihugu bazajya batanga amakipe atatu muri buri mukino.

Ibikombe byatanzwe

Frere Gahima Camille Visi Perezida w’Ishyirahamwe ry’imikino y’abanyeshuli 

Frere Gahima Camille Visi Perezida w’Ishyirahamwe ry’imikino y’abanyeshuli yajira igihembo cya St Aloys

Nyirinkindi Saleh (8) acenga ashakira LDK igitego kuko ari na kapiteni wayo

Ruhamiriza Eric umuyobozi ushinzwe amarushanwa muri FERWAFA  yarebye uyu mukino ariko mu itangwa ry'ibihembo habuze umuntu uhagararira iri shyirahamwe 

GS Remera Rukoma  (Umuhondo) na GS Shwemu (Umutuku) ku mukino wa nyuma 

Habiyambere umutoza wa GS Remera Rukoma atanga amabwiriza nyuma y'igice cya mbere

Sangwe Armel yafashije APE Rugunga gutwara igikombe

LDK ikina na APE Rugunga ku mukino wa nyuma 

Abakobwa ba ENDP Karubanda (Umweru)  na ADEGI (Ubururu bwera) bahatanira umwanya wa gatatu

Mushumba Charles niwe mutoza wa ENDP Karubanda 

Mushumba Charlrs aba yungirijwe na Nicole Uriwbutso umukinnyi wa IPRC South WBBC

LDK na St Bernadette ku mukino wa nyuma muri Basketball y'abakobwa

PHOTOS: Saddam MIHIGO (Inyarwanda.com)