Komite Olempike yahurije hamwe abana batishoboye bakora siporo zitandukanye-AMAFOTO

Mukundiyukuri Jean De Dieu umunyamabanga nshinwabikorwa muri Komite Olempike yabwiye abanyamakuru ko CNOSR yafashe iya mbere mu gushyiraho iki gikorwa mu rwego rwo guhuriza hamwe abana batishoboye mu buryo bw’amafaranga ariko bibera mu bigo bibitaho harebwa cyane impano zabo ngo kuko bituma aba bana barushaho kwibona mu bandi bakanishimana.

Abana barekana ubuhanga bafite muri siporo

Mukundiyukuri kandi avuga ko bitewe n’uburyo Komite Olempike yabonye byatanze umusaruro, iki gikorwa kizajya kiba ngarukamwaka mu rwego rwo gukomeza gukurikirana  abana baba bafite impano nka zimwe mu nshingano za CNOSR ndetse ko binakomeje kugenda neza hazabaho gahunda yo kwagura iki gikorwa kikagera mu ntara ku buryo ngo byanashoboka ko hazajya hafatwa abana bafite impano muri siporo zitandukanye bakaba barihirwa amashuli bagakomeza gukora siporo banongera ubumenyi.

Bigendanye n’amikoro CNOR izaba igenda ibona biranashoboka ko imiryango aba bana baturukamo yajya ifashwa mu gutangirwa ubwisungane mu kwivuza. Igikorwa cyo gufasha abana bahoze mu mihanda n’abatagira  kivurira barererwa mu bigo icyenda (9), bagakora siporo banigishwa indangagaciro zitandukanye mu rwego rwo kwizihiza iminsi mikuru, cyatangijwe n’akarasisi kahereye ku Gishushu saa tatu za mu gitondo abitabiriye bagana i Remera kuri sitade Amahoro ahabareye imikino, imyidagaduro, indirimbo n’imbyino z’abahanzi zinyuranye.

Abana bari bahuje urugwiro ku munsi wabagenewe wo gukora siporo

Abana bigaragaza mu mbyino z'amahanga

Abana barererwa mu bigo icyenda bitandukanye bari bahurijwe hamwe

Umwana yerekana uburyo bwo kugendesha inda

Rutagengwa Philbert(ibumooso) umunyamabanga mukuru wa CNOSR na Bayigamba Robert umuyobozi mukuru wa CNOSR (iburyo)

King James aririmbira abana bari muri iki gikorwa

Abana bigaragaza muri Basketball

Uhereye iburyo: Mukundiyukuri Jean de Dieu (umunyamabanga nshingwabikorwa muri CNOSR), Nizeyimana Isabelle (umuyobozi mu rugaga nyarwanda rushinzwe guteza imbere siporo y'abagore), Rutagengwa Philbert (Umunyamabanga mukuru muri CNOSR) na Bayigamba Robert umuyobozi wa CNOSR

Ubwo abana bari mu rugendo bagana kuri sitade Amahoro ahabereye igikorwa nyamukuru

Abari mu rugendo basesekara kuri sitade Amahoro

Abitabiriye igikorwa binjira muri sitade Amahoro

Abana bagera imbere muri sitade Amahoro

Abana babyina imbyino za kinyarwanda

PHOTOS: CNOSR