Ahabanza Imikino

AF-PARAVOLLEY2017: Amakipe y’u Rwanda yageze muri kimwe cya kabiri-AMAFOTO

Yanditswe na: Mihigo Saddam
Taliki:15/09/2017 20:12 1

Amakipe y’u Rwanda (Abagabo n’abagore) yageze muri kimwe cya 2 cy’irangiza mu mikino ya nyuma Nyafurika ya Volleyball y’Abafite ubumuga (Para-Volleyball) aho ikipe y’u Rwanda (Abagabo) itsinze Morocco amaseti 3-0 naho abagore batsinda Kenya amaseti 3-0.

Ikipe y’u Rwanda y’abagabo yabonye itike yo gukina ½ itsinze Morocco amaseti 3-0 (25-18;25-23 na 25-13) mu mukino usoza iyo mu itsinda A ari nako Algeria yatsindaga DR Congo amaseti 3-0 (25-13;25-12 na 25-14) mu gihe Kenya yasezereraga Afurika y’Epfo amaseti 3-0 (25-15;25-11 na 25-16).

Ikipe y’u Rwanda yasoje imikino yo mu matsinda iyoboye itsinda rya mbere(A) ikaba izahura na Algeria yazamutse ari iya kabiri mu itsinda rya kabiri(B) kuri uyu wa Gatandatu tariki 16 Nzeli 2017 saa kumi n'ebyiri z'umugoroba (18h00’) nyuma yuko Morocco yabaye iya kabiri mu itsinda rya mbere(A) izaba imaze gukina na Misiri yazamutse iyoboye itsinda rya Kabiri(B) ku isaha ya saa kumi (16h00’ ) muri sitade nto ya Remera. Kenya izakina na DR Congo mu bagabo bakinira umwanya wa Gatanu ku isaha ya saa yine za mu gitondo (10h00’).

Mu cyiciro cy’abali n’abategarugori, ikipe y’u Rwanda yatsinze Kenya biyigoye amaseti 3-0 (25-8;25-21; na 30-28) byahise biyiha kuyobora itsinda ikaba iza kuba ikina na DR Congo yasoje ku mwanya wa kane(4) muri kimwe cya kabiri kuri uyu wa Gatandatu saa 12h00’.

Ku rundi ruhande Misiri yanyagiraga DR Congo amaseti 3-0 (25-17;25-15 na 25-9) iracakirana na Kenya yabaye iya kabiri muri kimwe cya kabiri cy’irangiza ku isaha ya saa Munani z’umugoroba(14h00’) .

Ikipe y’u Rwanda y’abagore ikomeje gushimangira ko iyoboye Afurika mu mukino wa Volleyball y’abafite ubumuga (Sitting volleyball).

Uko imikino ya yagenze:

Kuwa Gatanu 15 Nzeri 2017:

ABAGABO

-Kenya 3-0 Afurika y’Epfo

-Algeria 3-0 DR Congo

-Rwanda 3-0 Morocco

ABAGORE

-Misiri 3-0 DR Congo

-Rwanda 3-0 Kenya

Kuwa Gatandatu 16 Nzeri Imikino ya ½:

ABAGORE