Akadege kateje intambara ku mukino wahuje ikipe ya Serbia na Albania-AMAFOTO

Ibi byabaye ku mugoroba wo kuri uyu wa kabiri tariki 14/10/2014 ubwo aya makipe yombi, yari yahuriye mu murwa mukuru wa Serbia Belgrade ku nshuro ya mbere kuva mu mwaka w’1967.

Byatangiye akadege gafite ibendera rya Albania kazenguruka hejuru y'ikibuga

Ubusanzwe, ishyirahamwe ry’umupira w’amaguru ku mugabane w’u Burayi UEFA ryari ryabujije abafana ba Albania kuza kuri stade, mu rwego rwo kwirinda imvururu zaba kuri uyu mukino. Ibi ariko ntibyabujije akadege kayoborwa hifashishijwe Telekomande kugurukira hejuru y’ikibuga cyakinirwagaho umukino gatwaye ibendera rya Albania ndetse n’ikarita ya Kosovo.

Umukinnyi wa Serbia yahise amanura iryo bendera

Akadege kamanuranwe n'ibendera kari gatwaye

Abakinnyi ba Albania ntibihanganiye ibyakorewe ibendera ryabo

Ubwo aka kadege kakomezaga kuzenguruka hejuru y’kibuga, myugariro w’ikipe y’igihugu ya Serbia Stefan Mitrovic yaje gukurura ibendera rya Albania kari gatwaye,ubwo intambara iba iratangiye mu kibuga.

Abakinnyi ku mpande zombi batangiye gushyamirana

Nyuma yo kubona ibendera ryabo rimanuwe hejuru,abakinnyi ba Albania bahise basatira Mitrovic ngo barimwambure ari nako abafana bahise baza mu kibuga ngo bahangane n’aba bakinnyi b’abanya Albania.

Imvururu zatangiye ubwo

Abari hafi aho bagerageje gukiza biba iby'ubusa

Abafana nabo baje kubyivangamo

Aha umufana yari atwaye akadege kabaye intandaro y'imvururu

Umusifuzi w'umwongereza Martin Atkinson yahise afata icyemezo cyo guhagarika umukino

Ibi byaje kuba ngombwa ko Police yinjira mu kibuga mu rwego rwo guhosha imvururu z’abafana b’abanya Serbia bari batangiye kwibasira abakinnyi ba Albania.

Imirwano yaje gukomera

Abafana bari birunze mu kibuga

Byabaye ngombwa ko hitabazwa abasirikare

Abakinnyi ba Albania bakijijwe n'amaguru

Abafana ba Serbia bari bariye karungu

Abashinzwe umutekano bahuye n'akazi katoroshye

Abafana bari barakaye cyane

Abantu bari benshi cyane ku buryo polisi yagombaga gukora ibishoboka byose

Abafana ba Serbia

Iri niryo bendera ryakoze ishyano

Aka kadege kaje umukino ukiri ubusa ku busa

Abanya Albania batuye muri Kossovo nabo bari bariye karungu

Abaturage bakomoka muri Albania babikurikiraniraga hafi

Abanya Albania biraye mu mihanda mu rwego rwo kwamagana ibyakorewe ikipe yabo

Umusifuzi w’umwongereza Martin Atkinsona wari uyoboye uyu mukino, yahise awuhagarika ku munota wa 41. Abakinnyi ba Albania bahise bava mu kibuga biruka bahunga ibintu baterwaga n’abafana, ndetse n’aba Serbia barabakurikira.

Robert Musafiri