Abakinnyi 23 baherekejwe, abatoza cyo kimwe na perezida w'ishyirahamwe ry'umupira w'amaguru muri Cote d'Ivoire, Augustin Sidy Diallo bageze mu Rwanda mu ijoro ry'uyu wa Kane tariki 6 Nzeli 2018.
Iyi kipe izwi ku izina ry'Inzovu (Les Elephants), yaje muri gahunda mpuzamahanga yo gucakirana n'Amavubi mu rugendo rwo gushaka itike y'igikombe cya Afurika cy'ibihugu 2019 kizabera muri Cameroun.
U Rwanda na Cote d'Ivoire bagomba gucakirana mu mukino utegerejwe kuri iki Cyumweru tariki ya 9 Nzeli 2018 kuri sitade ya Kigali saa Cyenda n'igice (15h30').
Mu gihe iyi kipe iraba icumbitse muri Marriott Hotel iri mu mujyi wa Kigali, biteganyijwe ko bakora imyitozo yemewe (Official Training session) kuri uyu wa Gatandatu tariki ya 8 Nzeli 2018 saa Cyenda n'igice (15h30').
U Rwanda (Amavubi) narwo rumaze iminsi mu myiteguro aho Mashami Vincent n'abamwungirije bari gutoranya abakinnyi mu itsinda ry'abo bahamagaye. Kuri ubu hasigaye abakinnyi 26 bazavamo 18 bazaba bahangana na Cote d'Ivoire.
Serge Aurier (uwa kabiri uva inyuma) myugariro wa Tottenham Hotspur agerana n'abandi i Kanombe (Photo:Umuseke)
Imyitozo y'Amavubi yo irakomeza nk'ibisanzwe
Abakinnyi 23 ba Cote d'Ivoire bari mu Rwanda
Abanyezamu: Sayouba Mande (OB/Danemark), Badra Ali (Free State Stars/South Africa), Gbohouo Sylvain (TP Mazembe/DRC)
Abakina inyuma: Eric Bailly (Man United/England), Serge Aurier (Tottenham/England), Kanon Wilfried ( ADO Den Haag/ Holland), Traoré Adama (Göztepe/Turkey), Kone Lamine (Strasbourg/France) na Ghislain Konan (Stade de Reims/France)
Abakina hagati: Serey Die (FC Basel/Swiss), Ahoulou Eudes (Monaco/France), Franck Kessie (Milan AC/Italy), Seri Jean Michaël (Fulham/England), Doukouré Cheick (Levante/Spain) na Serge N’Guessan (Nancy/France)
Abataha izamu: Kodjia Jonathan (Aston Villa/ England), Assale Roger (Young Boys/Swiss), Pépé Nicolas (Lille/France), Max Gradel (Toulouse/France), Bayo Vakoun (Dunajská Streda/Slovaquia) na Maxwel Cornet (Lyon/France).
KANDA HANO UREBE COTE D'IVOIRE IGERA MU RWANDA
Eng
RSS 
TANGA IGITECYEREZO