MU MAFOTO 100: Birashyushye mu giterane ‘Abagore twese hamwe’ kiri kubera muri Kigali Convention Centre

Iki giterane 'Abagore twese hamwe' gifite insanganyamatsiko igira iti "Kuva mu gutsikamirwa tujya mu butsinzi" iboneka muri Zaburi: 68:12. Ku munsi wacyo wa mbere hari ubwitabirire bw’abagore n'abakobwa benshi baturutse hirya no hino mu gihugu.

Prophetess Eliane Isaac wo muri Canada wageze i Kigali ku mugoroba w'uyu wa kabiri, ni umwe mu bakozi b'Imana bari muri iki giterane 'Abagore twese hamwe' akaba akomeje guhesha benshi umugisha mu ijambo ry'Imana. 

Apostle Mignone Kabera umuyobozi wa Women Foundation Ministries

Kuri uyu wa Kabiri tariki 8 Kanama 2017 ni bwo iki giterane cyatangiranye imbaraga mu kuramya no guhimbaza Imana hamwe n'abahanzi banyuranye ndetse abakitabiriye bongera gufashwa cyane mu ijambo ry’Imana bagejejweho na Apostle Mignone Alice Kabera uyobora Women Foundation Ministries ari nayo itegura iki giterane buri mwaka. 

Ku munsi wa kabiri w'iki giterane (tariki 9 Kanama 2017), Rev Kathy Kiuna wo muri Kenya yifatanyije na Women Foundation Ministries muri iki giterane. Abitabira iki giterane bakomeje kuhagirira ibihe byiza aho bahabwa inyigisho zibahembura mu buzima bw'agakiza ndetse zikababera n'impamba bazagenderaho mu buzima busanzwe.

Diane wo muri True Promises Ministries na Healing worship team ni umwe mu bari muri iki giterane ku munsi wacyo wa mbere, akaba yarafatanyije na worship team ya Women Foundation Ministries mu kuramya no guhimbaza Imana. Apotre Alice Mignone Kabera uyobora Women Foundation Ministries ni we wigishije ijambo ry’Imana yitsa cyane ku nsanganyamatsiko y'iki giterane igira iti ‘Kuva mu gutsikamirwa tujya mu butsinzi’.

Diane (wambaye ikote ry'umutuku) ku munsi wa mbere w'igiterane 'Abagore twese hamwe'

Twabibutsa ko iki giterane 'Abagore twese hamwe' kiri kubera mu nzu mberabyobyi ya Kigali Convention Centre kuva tariki ya 8 Kanama kugeza tariki ya 11 Kanama 2017 guhera saa Kumi kugeza saa tatu z’umugoroba, kwinjira akaba ari ubuntu. Nkuko Inyarwanda.com yabitangarijwe n'abategura iki giterane, kuwa Gatanu tariki 11 Kanama 2017 biteganyijwe ko abagabo n'abasore ari bwo bazaba bemerewe kwitabira iki giterane,bivuze ko muri iyi minsi abagore n'abakobwa ari bo gusa bari kukitabira.

Abitabira iki giterane baganirizwa n'abakozi b'Imana b'abagore b’inararibonye nka Prophetess Eliane Isaac wageze i Kigali kuri uyu wa Kabiri tariki 8 Kanama 2017, Grace Serwaga wo mu gihugu cy’u Bwongereza, Kathy Kiuna wo mu gihugu cya Kenya hamwe n’Umushumba Mukuru w’Umuryango Women Foundation Ministries, Apostle Umunezero Alice Mignone Kabera.

Mu rwego kandi rw’isakazabutumwa, imigendekere y’iki giterane iri gukurikiranwa imbona nkubone ku mbuga nkuranyambaga nka Facebook, Youtube, mu bitangazamakuru by’amashusho bitandukanye nka BTN Canada n’ibindi bya hano mu Rwanda. Abari n’abategarugori bose bahawe ikaze muri icyo giterane mu ntego yo kwamamaza inkuru nziza maze umugore ave mu gutsikamirwa ajye mu butsinzi. 

REBA AMAFOTO

UKO BYARI BIMEZE KU MUNSI WA MBERE MU GITERANE 'ABAGORE TWESE HAMWE'

Ukigera kuri Kigali Convention Centre uhita ubona iki cyapa

Worship team ya Women Foundation Ministries kuri stage

Ababyeyi bitabiriye ku bwinshi iki giterane

Umuhanzikazi Dinah ni umwe mu bagize worship team ya Women Foundation Ministries

Diane wo muri True Promises yahesheje umugisha abari mu giterane 'Abagore twese hamwe'

Aline Gahongayire (ibumoso) yatangiranye n'iki giterane

Bari kuhagirira ibihe bidasanzwe

Pastor Liz Bitorwa umunyamabanga wihariye wa Apotre Mignone

Iki giterane kiri kwitabirwa cyane,..... ku munsi wa mbere ni uku byari bimeze

Apostle Alice Mignone Kabera ukuriye Women Foundation Ministries

Yasazwe n'ibyishimo nyuma yo guhabwa impano na Apostle Mignone

REBA UKO BYARI BIMEZE KU MUNSI WA 2 MU GITERANE 'ABAGORE TWESE HAMWE'

Apostle Alice Mignone Kabera

Umuhanzikazi Diana Kamugisha yaririmbye muri iki giterane

Prophetess Eliane Isaac yabahesheje umugisha

Prophetess Eliane Isaac ni we wigishije ijambo ry'Imana kuwa 3

Bafashijwe cyane n'ijambo ry'Imana ryanyuze muri Eliane Isaac

Hari igihe usabana n'Imana ukumva muri kumwe neza neza,..

Apotre Mignone hamwe na Prophetess Eliane Isaac

Aba basore ni bamwe mu bafite imirimo muri iki giterane,...abagabo n'abasore bazitabira iki giterane ku wa Gatanu

Umuraperi Regis hamwe n'abana bato b'abakobwa bahuriye muri iki giterane

AMAFOTO: Sabin Abayo / Afrifame Pictures / Inyarwanda Ltd