Ahabanza Iyobokamana

Hope in Jesus Ministries yateguye igiterane cy'iminsi 8 kizitabirwa na Apotre Dr Gitwaza na Rev Dr Rutayisire

Yanditswe na: Mupende Gedeon Ndayishimiye
Taliki:29/07/2018 10:04 0

Itorero Hope in Jesus Ministries riyoborwa na Pastor Gakamuye Innocent ryateguye igiterane cy'ivugabutumwa cyatumiwemo Apotre Dr Paul Gitwaza na Rev Canon Dr Antoine Rutayisire ndetse n'abaririmbyi banyuranye. Ni igiterane kizamara iminsi 8.

Amani Laurent ushinzwe itangazamakuru muri Hope in Jesus Ministries yabwiye Inyarwanda.com ko bateguye igiterane cyiswe 'Ebenezer Revival Conference' batumiyemo abakozi b'Imana basizwe amavuta ari bo Apotre Gitwaza, Rev Antoine Rutayisire, Pastor Zigirinshuti Michel na Pastor Muhire Fidele. Iki giterane kizatangira kuva tariki 5 Kanama kugeza tariki 12 Kanama 2018.

Ivugabutumwa

Pastor Gakamuye Innocent uyobora Hope in Jesus Ministries

Iki giterane kigiye kuba ku nshuro ya 4. Pastor Gakamuye Innocent uyobora Hope in Jesus Ministries ubwo yavugaga impamvu bagiye gukora ku nshuro ya kane iki giterane bise Ebenezer Revival Conference, yagize ati: "Iki ni igiterane ngarukamwaka twifuza ko haba ububyutse mu itorero rya Kristo, icyaduteye kucyita iri zina ni uko twifuza ko abantu bazamurwa dushingiye ahantu hatandukanye Imana yagiye ibakura ndetse n'aho igejeje itorero."

Uretse abavugabutumwa batumiwe muri iki giterane hazaba hari n'abaririmbyi batandukanye nka Gisubizo Ministries, True Promises Ministries, Abayuda Worship Team, Glory of God Worship Team, Bosco Nshuti ndetse na Papy Clever. Twabibutsa ko igiterane kizaba taliki ya 5-12/08/2018. Bazajya batangira Saa kumi z'umugoroba kugeza saa mbiri z'ijoro (16h00 Pm-20h00 Pm). Kwinjira ni ubuntu ku bantu bose.

Hope In Jesus Ministries