Colton Haynes uzwi nka Jackson muri filime Teen Wolf yahishuye ko se umubyara yiyahuye akimara kumenya ko ari umutinganyi

Colton Haynes yahishuriye umuryango we n’abanyeshuri bigana iby’uko ari umutinganyi ubwo yari afite imyaka 14 gusa, se akimara kumva iyo nkuru yahise anywa ibinini 40 bya oxycodone ari nabyo byamuhitanye. Amaze gupfa, nyina wa Haynes n’undi muvandimwe we bagiye aho yari atuye gufata bimwe mu bintu yari atunze basanga nta yindi foto atunze uretse iya Colton Haynes yafotowe arangije amashuri yisumbuye iteretse hejuru ya firigo.

Colton Hynes muri filime 'Arrow'

Uyu musore uturuka muri Kansas akomeza avuga ko yakomeje guhisha iby’uko ari umutinganyi kugira ngo arengere inyungu z’umwuga yashakaga kujyamo wo kuba umukinnyi wa filime cyane cyane ko abantu bamubwiraga ko kwigaragaza nk’abasore basanzwe ari byo byari kumufasha kwinjira neza muri Hollywood. Haynes ngo yatangiye kwiyumvamo ko ari umutinganyi akiri umwana muto ariko agatinya kubigaragaza.

Colton muri Teen Wolf

Colton Haynes yakinnye muri filime y’uruhererekane Teen Wolf, Arrow, San Andreas n’izindi nyinshi akaba azanagaragara muri filime Triumph izasohoka umwaka utaha, azagaragara kandi no muri Season ya 2 ya filime Scream Queens izasohoka mu kwezi kwa 9 ku itariki 20.

Source: Dailymail