Deadpool 2 iri muri filime zari zitegerejwe cyane muri uyu mwaka. Niyo iyoboye izindi mu zagurishijwe iyi weekend, dore ko yinjije $125,000,000 muri Amerika gusa ndetse na $301,336,221 ku isi hose. Yasohotse tariki 18/05/2018, icuruzwa na Fox, kuyikora byatwaye miliyoni 110 z’amadolari.
2. Avengers: Infinity War
Avengers: Infinity War ni filime icuruzwa na Buena Vista, yakozwe na Marvels. Muri iyi weekend yinjije $28,672,000. Kuva yasohoka kugeza ubu imaze kwinjiza $1,813,732,959. Yasohotse ku itariki 27/04/2018. Kuva yasohoka, iyi filime nibwo imanutse ikava ku mwanya wa mbere. Amafaranga yakoreshejwe mu kuyikora ntiyigeze atangazwa.
3. Book Club
Ni filime nshya kuri uru rutonde, dore ko yasohotse ku itariki 18/05/2018, icuruzwa na Paramount, muri iyi weekend yinjije $12,500,000. Iyi filime icuruzwa muri Amerika gusa kuri ubu ndetse aya mafaranga niyo yonyine yinjije. Ayo byatwaye ngo ikorwe ntiyatangajwe.
4. Life of the Party
Ni filime icuruzwa na Warner Bros (New Line), yasohotse ku itariki 11/05/2018, ni filime isekeje (comedy). Muri iyi weekend yinjije $7,725,000 muri Amerika gusa, ku isi hose yinjije $36,836,507, ayo byatwaye ngo ikorwe ntiyigeze atangazwa. Ubushize yari ku mwanya wa 2.
5. Breaking In (2018)
Yasohotse ku itariki11/05/2018, yacuruje $6,470,000 muri Amerika gusa, icuruzwa na Universal. Gukora iyi filime byatwaye miliyoni 6 z’amadolari, kugeza ubu ikaba imaze kwinjiza $30,450,710 ku isi hose. Ubushize yari ku mwanya wa 3.
6. Show Dogs
Icuruzwa na Global Road, nayo ni nshya kuko yasohotse kuri uyu wa 5 tariki 18/05/2018. Muri iyi weekend yinjije $6,034,770 akaba ari nayo yonyine yinjije kuko icuruzwa muri Amerika gusa. Ntihigeze hatangazwa ayakoreshejwe mu kuyikora.
7. Overboard (2018)
Iyi filime ubushize yari ku mwanya wa 4, yasohotse ku itariki 04/05/2018. Icuruzwa na Pantelion, muri iyi weekend yinjije $4,725,000. Ayo byatwaye ngo itunganywe ntiyigeze atangazwa gusa kugeza ubu icuruzwa muri Amerika gusa ikaba imaze kwinjiza $49,032,528.
8. A Quiet Place
Ni filime iteye ubwoba, yasohotse ku itariki 06/04/2018, muri iyi weekend yinjije $4,040,000. Icuruzwa na Paramount, kuyikora byatwaye miliyoni 17 z’amadolari ariko kugeza ubu yinjije $296,476,313. Ubushize iyi filime niyo yari ku mwanya wa 5.
9. Rampage (2018)
Niyo iri ku mwanya wa 9 mu zacurujwe cyane muri iyi weekend, yinjije $1,500,000. Yasohotse ku itariki 13/04/2018, icuruzwa na Warner Bros (New Line), kuva yasohotse kugeza ubu yinjije $406,923,329, kuyikora byari byatwaye miliyoni 120 z’amadolari. Ubushize yari ku mwanya wa 7.
10. RBG
Ni filime mbarankuru icuruzwa na Magnolia, yasohotse ku itariki 04/05/2018, muri iyi weekend yinjije $1,280,000. Ubushize yari ku mwanya wa 10, ayo byatwaye ngo itunganye ntiyatangajwe ariko yinjije $3,880,766 kuva yasohoka, icuruzwa muri Amerika gusa.
TANGA IGITECYEREZO