Kwizigira Claude Umunyamakuru wa RBA yasanganiwe n’umukunzi we bitegura kurushinga ubwo yageraga ku kibuga cy’indege mpuzamahanga cya Kigali i Kanombe ari kumwe n’ikipe ya Rayon Sports bavuye mu gihugu cya Tanzania.
Mu ijoro ryo kuri uyu wa 17 Gicurasi 2018 ni bwo ikipe ya Rayon Sports yageze i Kigali ikubutse muri Tanzania aho yari ifite umukino wayihuje n’ikipe ya Yanga Africans baganyije ubusa ku busa.
Kwizigira Claude ni umwe mu bamaze kwigarurira abakunzi b’imikino hano mu Rwanda kubera ukuntu avuga akanogeza imipira kuri Radiyo ikunzwe kurusha izindi mu Rwanda. Kwizigira Claude na Umubyeyi Clarisse bagiye kurushinga nyuma y’imyaka cumi n’itanu bari mu munyenga w’urukundo.
Kwizigira Claude yasohotse mu kibuga cy'indege akubita agatwenge
Ubukwe nyirizina buteganyijwe kuba tariki 21 Nyakanga 2018. Kwizigira yinjiye mu cyiciro cy’abanyamakuru bamaze n’abatigura gusezera ubuseribateri barimo umunyamakuru w’imikino Sam Karenzi wemeje ko agiye kurushinga muri Kanama 2018; mu mezi macye ashize kandi Rigoga Ruth wa Tv10 yararushinze ndetse na Jules Karangwa.
AMAFOTO:
Yabanje gusuhuzanya n'inshuti z'umukunzi we
Ageze ku mukunzi we, Kwizigira Claude yamusekeje
Inshuti z'umuryango mushya bifotozanyije na Kwizigira Claude
Bashiki ba Manzi Thierry ukina mu ikipe ya Rayon Sports, Umubyeyi Clarisse [uri iburyo] ni we mukunzi wa Kwizigira Claude
Kwizigira Claude yitegereza umukunzi we Umubyeyi Clarisse bagiye kwambikana iy'urudashira
Manzi Thierry yifotozanya na bashiki be, Kwizera Claude n'umukunzi we
Umubyeyi Clarisse na Kwizigera Claude baritegura guhamya isezerano ryabo
TANGA IGITECYEREZO