Umuhanzi Aristide yaba yambitse impeta umukunzi we ?

Iyi foto yashyizwe ku rukutwa rwa Instagram n’umwe mu bantu baba hafi ibikorwa by’inzu itunganya muzika ya Superlevel witwa Prosper, mu magambo yakurikiye iyi foto uyu mugabo yagize ati”Congratulation to you one more time, mi one and only brother for this step, do remember that am always around.” Aya magambo agaragaza ko uyu muhanzi Aristide yari yateye intambwe yambika impeta umukunzi we, icyakora mu kiganiro kirambuye yagiranye na Inyarwanda.com Aristide yabihakanye.

Aganira na Inyarwanda.com Aristide wirinze kugaruka ku kuba yaba afite umukunzi cyangwa ntawe afite, yagize ati” Sibyo pe, igihe nikigera nzabibabwira nzabahamagara mbibabwire, iriya foto yanteje abantu abantu benshi bari kubimbaza ariko sibyo, iriya ni ifoto yafashwe mu gihe nari ndi gufata amashusho y’indirimbo yanjye nshya  yitwa ‘Humura’ kandi vuba aha abantu barabona ukuri kuko ndashyira hanze amashusho yayo.”

Iyi niyo foto ya Aristide yatumye bikekwa ko yambitse umukunzi we impeta

Nyuma y’iminsi yari amaze asa n'uhugiye mu bindi bintu ati Rimwe na rimwe mfata umwanya nkitekerezaho nafashe umwanya wanjye ngo ntekereze uburyo bwiza bwo gukora ubu rero ngiye kugaruka kandi ngiye kuzana ibihangano bishya kandi Imana nimfasha bizamamara.