Kuri uyu wa Gatandatu tariki 16 Kamena 2018 wari umunsi ukomeye w’igitaramo cya Primus Guma Guma Super Star iri kuba ku nshuro ya munani, mu gitaramo cya gatatu cyabereye i Huye. Uncle Austin ni umwe mu bahanzi bahamya ko bitari byoroshye. Ibi ni nako yabibwiye abanyamakuru ahamya ko byamugoye bikomeye ariko azi aho bipfira.
Uncle Austin ubusanzwe yatangiye irushanwa agaragaza ko ari mu bahanzi bakunzwe ndetse agaragaza n’umurindi w’abakunzi ba muzika ye. Uyu muhanzi i Gicumbi yaje muri batanu bafanwe cyane. Ibi ni nako yabigenje i Musanze. Icyakora nubwo aho habiri habanza yari yigaragaje, mu gitaramo cya gatatu cyabereye i Huye ntabwo yigeze ahirwa cyane ko abafana batigeze bamwereka urukundo nk'uko ahandi byagenze.
REBA HANO UKO UNCLE AUSTIN YITWAYE KU RUBYINIRO
Uncle Austin igitaramo cy'i Huye cyamubereye inzira y'umusaraba
Mu kiganiro yagira n’abanyamakuru Uncle Austin yatangaje ko mu by’ukuri kuba bitagenze neza ari impamvu azi neza cyane ko yari yakize ameze neza bitandukanye nuko ahabanje yaharirimbiye arwaye bikomeye. Yabajijwe niba ataba yiraye cyane ko yari yakize maze abihaka agira ati” Tuvugishije ukuri impamvu ibi byambayeho ndayizi nubwo ntifuza kuyitangaza.”
Uncle Austin wagowe n’abafana b’i Huye yabajijwe impamvu akunze kumvikana avanga urubyiniro rwe na rimwe mu magambo akoresha kuri radio ya Kiss Fm atangaza ko we nta kibazo abisangamo cyane ko n'abagize akanama nkemurampaka batigeze babyanga. Uyu muhanzi yatangaje ko n'ubwo bitagenze neza i Huye ariko yizeye ko i Rubavu bizagenda neza ndetse n’i Kigali ku munsi wa nyuma w’iri rushanwa.
REBA HANO IBYO UNCLE AUSTIN YATANGAJE NYUMA YO KUVA KU RUBYINIRO
Eng
RSS 
TANGA IGITECYEREZO