Mu myaka yatambutse The Ben na Tom Close bakunze guhuza imbaraga mu muziki cyane ko aba bombi bakunze kurangwa no gufashanya mu muziki cyane mu ndirimbo bagiye bakorana usibye ko bakunze no gutangaza ko ari abavandimwe. Nyuma yo gukorana indirimbo ‘Sinarinkuzi’, aba bahanzi bongeye gukorana indirimbo.
The Ben na Tom Close, baherukaga gukorana indirimbo mu 2010 ubwo bakoraga iyitwa ‘Sinarinkuzi’ nyuma y’iyi ndirimbo The Ben yaje kwerekeza muri Leta Zunze Ubumwe za Amerika mu gihe Tom Close wari wasigaye mu Rwanda nawe yaje guhirwa na muzika atwara irushanwa rya Primus Guma Guma Super Star ku nshuro yaryo ya mbere.
The Ben na Tom Close ni inshuti zimaranye igihe
Usibye iri rushanwa yegukanye ariko Tom Close yaje kurushinga kuri ubu akaba afite umuryango, izindi nshingano zatumye agabanya umuvuduko mu muziki n'ubwo bitamubuzaga gukora. Kuri ubu The Ben uri mu Rwanda akaba yamaze gushyira hanze indirimbo nshya ahuriyemo na Tom Close umwe mu nshuti ze zikomeye, umuvandimwe nk'uko bakunze kubyivugira.
The Ben na Tom Close bongeye guhurira ku rubyiniro muri East African Party 2017
Iyi ndirimbo nshya ya The Ben na Tom Close ‘Thank You’ yasohokanye n’amashusho, yakozwe ku buryo bw’amajwi na Producer Madebeat usanzwe ukorera muri studio ya Monster Record mu gihe amashusho yayo yafashwe akanatunganywa na Meddy Saleh. Tom Close yabwiye Inyarwanda.com ko iyi ndirimbo yabo irimo ubutumwa bwo gushima Imana mu bihe byose. Yagize ati: "Harimo ubutumwa bwo gushima Imana muri situations zose, ibintu byaba byiza cyangwa bibi"
REBA HANO AMASHUSHO Y'IYI NDIRIMBO NSHYA YA THE BEN NA TOM CLOSE 'THANK YOU'
Eng
RSS 
TANGA IGITECYEREZO