Guhera mu mwaka ushize wa 2015, Olvis wo mu itsinda rya Active na Miss Uwase Raissa Vanessa wabaye igisonga cya mbere cya Miss Rwanda 2015, bagiye baca amarenga y’urukundo ariko bakanga kubyerura, gusa amaherezo y’inzira ni mu nzu, Olvis yamaze kwemera bidasubirwaho ko yihebeye uyu mukobwa.
Yaba Miss Uwase Raissa Vanessa, yaba na Olvis wo mu itsinda rya Active, bagiye bakunda gushyira hanze amafoto bari kumwe, basohokanye, bishimanye n’ibindi byinshi bigaragaza amarenga y’urukundo rwabo, gusa mu biganiro bagiye bagirana n’ibitangazamakuru bitandukanye, bagiye babica ku ruhande ntibemere ko bakundana.
Nyamara uko iminsi yagiye ishira, niko bagiye barushaho gushyira ibintu ahagaragara, kugeza ubwo Olvis kuri uyu wa Kabiri tariki 29 Werurwe 2016, yashyize ku rubuga rwa Instagram ifoto iherekejwe n’ubutumwa yashimangiyemo ko akunda uyu mukobwa wambitswe ikamba ry’igisonga cya mbere cya Miss Kundwa Doriane wambitswe ikamba rya Miss Rwanda 2015.
Kugeza ubu uretse Olvis, abandi bagenzi be babiri bafatanyije itsinda rya Active nabo bakundana n’abakobwa bigeze kwambikwa amakamba no guhatanira amakamba atandukanye, abo bakaba ari Miss Sandra Teta ukundana na Derek ndetse na Miss Hitayezu Belyse ukundana na Tizzo.
Miss Uwase Vanessa na Olvis bagiye bagaragaza ko bagirana ibihe byiza mu rukundo rwabo
Eng
RSS 
TANGA IGITECYEREZO