Danny Vumbi abinyujije mu ndirimbo ye nshya ‘Birabaye’ yashyize igorora abari mu kibatsi cy’urukundo

‘Birabaye‘ ibaye indirimbo ya mbere Danny Vumbi ashyize hanze nyuma yo kuva mu marushanwa ya PGGSS6 aho yegukanye umwanya wa kane mu bahanzi icumi bari bahatanye. Iyi ndirimbo ikaba yarakozwe mu buryo bw’amajwi na producer Junior Multisystem. Danny Vumbi ayishyize hanze mu gihe abamukurikiranira hafi bari biteze indirimbo ye yitwa ‘Bizou ya Yuda’, we agatangaza ko ahisemo gushyira hanze iyi ndirimbo mu gihe ari gutunganya neza amashusho y’iyi yitezwe na benshi kubera uko yamamajwe cyane.

UMVA HANO 'BIRABAYE' YA DANNY VUMBI

Danny Vumbi yashyize hanze indirimbo ye nshya

Danny Vumbi mu magambo make yatangarije Inyarwanda.com ko afite intego yo gukomeza guha abakunzi be indirimbo nziza kandi bazajya bishimira, ati “Ni gahunda yanjye kuva na cyera nk’umuhanzi intego yanjye ni ugushimisha abakunzi banjye kandi kubashimisha nyabyo ni ukubaha ibihangano bishimira kumva."

KANDA HANO UBASHE KUMVA INDIRIMBO NSHYA 'BIRABAYE' YA DANNY VUMBI