Muri ibi bihe Mani Martin agitye kuzuza ukwezi kose azenguruka ibice binyuranye by’igihugu amurika Album ye nshya yise ‘Afro’, icyakora ibi bitaramo bikazarangizwa n’igitaramo kinini uyu muhanzi azakorera mu mujyi wa Kigali tariki 4 Ugushyingo 2017. Kuri ubu Mani Martin yamaze gutangaza abahanzi bazamufasha muri iki gitaramo.
Iki gitaramo kizabera mu mujyi wa Kigali ni nacyo kinini Mani Martin azakora cyo kumurika Album ye nshya yise ‘Afro’. Iki gitaramo Mani Martin akaba yamaze gutangaza ko kizagaragaramo abandi bahanzi nka Christopher, Yverry, Yemba Voice (Aba banazengurukanye igihugu) ndetse na Sintex uyu akaba mukuru w’umunyarwenya Nkusi Arthur.
Gahunda yose y'iki gitaramo
Iki gitaramo kizakurikira icyo Mani Martin ateganya gukorera mu karere ka Rusizi kuri uyu wa Gatandatu tariki 21 Ukwakira 2017 kwinjira bizaba ari amafaranga ibihumbi bitanu (5000frw) mu myanya isanzwe ndetse n’ibihumbi icumi mu myanya y’icyubahiro (10000frw). Usibye aba bahanzi bazifatanya na Mani Martin uzakora igitaramo cya Live ijana ku ijana hazaba hari n’itorero Inkindi itatse ndetse n’itsinda risanzwe ricurangira Mani Martin rya Kesho Band.
Eng
RSS 
TANGA IGITECYEREZO