Bruce Melodie, Danny Vumbi na Jay C bataramiye i Muhanga na Nyamagabe, Huye basigaramo ideni

Kuwa Gatanu tariki 22 Kamena 2018, Bruce Melody, Danny Vumbi na Jay C bataramiye mu Karere ka Muhanga mu Ntara y’Amajyepfo ahitwa Blues Corner ni hafi n’isoko, aho kwinjira byari amafaranga 1000Rwf na 2000Rwf muri VIP.

Urugendo rw’ibitaramo barukomereje i Nyamagabe tariki ya 23 Kamena 2018 ahitwa Golden Monkey Nyamagabe/Swaga Club. Kwinjira naho byari amafaranga igihumbi (1000Rwf) n’ibihumbi bibiri (2000Rwf) muri VIP.

Nando uri mu bategura ibi bitaramo yabwiye Inyarwanda.com ko ibi bitaramo bigamije guhura n’urubyiruko rugasobanurirwa ibijyanye na gahunda ya Leta mu kubafasha kubabera ingwate binyuze muri BDF.

Umunyamuziki Bruce Melodie

Ku bijyanye no kuba batarakoreye igitaramo i Huye nk’uko byari byamamajwe, yavuze ko basanze hari kubera isiganwa ry’amamadoka bagahitamo gusubika ariko bakaba bari gutekereza uko bazasubirayo bagataramira ab’i Huye.

Uru ruhererekane rw’ibitaramo rwa Bruce Melodie, Danny Vumbi na Jay C ruje rukurikira urugendo rw’ibitaramo nanone bakoreye mu Ntara y’Uburasirazuba mu Karere ka Ngoma, Kayonza na Bugesera.

AMAFOTO:

Abafana bari benshi

 Jay C ku rubyiniro