Ku mugoroba wo kuri iki cyumweru tariki ya 27 Gicurasi 2018 umuramyi Aline Gahongayire yakoze igitaramo gikomeye cyuzuye ubuhanuzi n’ubwitabire bwari ku rwego rwo hejuru, yanunamiye inshuti ye magara Deborah uherutse kwitaba Imana.
Aline Gahongayire yabanjirijwe kuri stage n’abandi bahanzi buzuye amashimwe y’Imana barimo umuririmbyi mu ndirimbo zo guhimbaza Imana, Kayitana Janvier wamamaye mu ndirimbo ‘Jehovah’; Iyamuremye Serge wanyuze benshi mu ndirimbo ye nshya ‘Biramvura’ n’izindi nyinshi zatumye ava ku rubyiniro akinyotowe n’abakunzi b’umuziki wa Gospel.
Serge Iyamuremye yasigiye inyota benshi mu ndirimbo ye 'Biramvura'
Umusore ukiri muto Babu waririmbye indirimbo y’igiswahili, Eddie Mico waririmbaga anicurangira, Billy Jakes, Camarade wanyuze benshi afashishijwe n’umugore we ndetse na MD, aba bose banyuze abari bateraniye muri Eglise Vivante i Kabuga mu gitaramo 'Ineza Tour' cyateguwe na Aline Gahongayire. Ibitaramo nk'ibi, Aline Gahongayire ateganya kubikorera mu turere dutandukanye mu gihugu ahumuriza abari mu bibazo binyuranye ari nako aremera abatishoboye.
Aline Gahongayire ni we wari utahiwe:
Mbere y’uko ajya ku rubyiniro, Aline Gahongayire yabanje asanga umubyeyi we aho yari yicaye, amwatuririho amagambo y’umugisha n’andi menshi atabashaga kumvikana, ubundi azamuka ku rubyiniro aseka cyane. Yagiye ku rubyiniro ahagana saa moya n’iminota micye. Yakoresheje imbaraga nyinshi ku rubyiniro icyuya cyiramurenga yitabaza ibyo kwihanagura.
Byageze aho biramurenga akurama inkweto atambira Imana. Nka nyuma y’iminota 20 yasomaga ku mazi, ubundi agakomeza kuririmba, yaririmbye mu ijwi riri hejuru akavangamo n’umudiho udasanzwe byose byari mu muziki w'umwimerere (Live music). Mu gice cya mbere yaririmbye ‘Because of who you are’, ‘Umukiza wanjye ariho’, ‘Hari impamvu pe’, ‘Niyo yabikoze’, ‘Warampishe’, ‘Iyabivuze’.
Yanyuzagamo akabwiriza, yumvikanishaga ko ari umugore mushya wuzuye ishimwe, ufite umugisha ukomoka ku Mana. Yifashishije indirimbo ye yakoreye muri Kina Music yavuze ko ‘Iyabikoze n’ibindi izabikora’. Mu gice cya kabiri, yaririmbye ‘Ineza y’Imana’, ‘Warahabaye’, ‘Nakumbuka’, ‘Ndazi ko yankijije’, ‘One way’. Muri iki gice cya kabiri cy’indirimbo ze ni bwo abantu benshi bagiye bamusanga ku rubyiniro batangaza amafaranga bashyize mu ‘Ineza Family’.
Yunamiye Deborah wari inshuti ye, yihanganisha ababyeyi be bari mu gitaramo:
Yafashe umwanya yunamira inshuti ye y’akadasohoka Deborah witabye Imana mu minsi itambutse. Yafashwe n’ikiniga avuga ko yari umwana mwiza, inshuti yamubwizaga ukuri kutanakenewe. Aline yavuze ko ubwo yateguraga ‘Ineza Tour’ Deborah yamubwiraga ko bazakorana urugendo. Deborah yavugaga ibi ari mu bitaro nyuma y’iminsi mike yitaba Imana. Ati:
Imana yampaye inshuti inkunda byiza cyane bitarimo uburyarya. Yari inshuti yanjye yitaba Imana (abari mu rusengero bati ‘ihangane’). Yitwaga Deborah yarankundaga, sinzi, sinzi. Imana izampe umuntu unkunda nka Deborah. Ikinyereka y’uko yankundaga n’uko ababyeyi ba Deborah baje kunshyigikira. Ndashimira ababyeyi ba Deborah, nanjye nemeye kubabera umwana, ubwo Deborah adahari njye ndahari. Ndahari, ndahari.
Aline Gahongayire hamwe n'inshuti ye Deborah witabye Imana mu gihe gishize
Aline Gahongayire yavuze ko nta kwezi gushize Deborah yitabye Imana. Ngo ubwo yateguraga ‘Ineza Tour’ Deborah yamubwiraga y’uko azaba ari kumwe nawe uko byagenda kose. Ariko Imana yaramwisubije.
'Umugore mushya, umunyamugisha, yarampishe',..Amagambo yumvikana kenshi mu mvugo ya Aline
Byageze aho ahanura. Yabwiye uwari umusangiza w’amagambo (Ev Fred Kalisa) ko umwaka utaha nk’iyi tariki yakoreyeho igitaramo ko azaba yubatse urugo. Yashimye umubyeyi we wari muri iki gitaramo, ashima bikomeye abashumba be barimo Pasteri Innocent, Amoni na Pasiteri Bugingo Innocent wigishije ijambo ry’Imana.
Ev Fred Kalisa wari Mc yahanuriwe ko umwaka utaha mu kwezi kwa Gicurasi azaba yarakoze ubukwe
Pastor Gatera John yavuze ko ubwo yavuganaga na Aline yumvise ijwi rimubwira ko ari kuvugana ‘na vision ngari’, ngo yatangajwe n’umuhate wa Aline Gahongayire, avuga ko afite byose ariko ngo Aline aremera akarara ijoro ashaka ineza y’abandi, ibintu yamushimiye mu ruhame. Ati:
Ubwo navuganaga na Aline numvise umwuka umbwira ko ndi kuvugana na Vision ngari….Nakubwiye amagambo menshi, natangajwe no kuba umuntu ukiri muto nk’uyu udafite icyo abuze kubera ko mubifata ntabwo yagombye kuba arara amajoro. Ariko nabonye umuhamagaro, ndeba umutwaro numva ndatangaye! Aline rero uzagera kure.
Mu kiganiro kihariye na Inyarwanda.com Aline Gahongayire yavuze uko yakiriye ubwitabire bwaranze igitaramo yatangirijemo ‘Ineza Tour’.Ati “Binyongeye imbaraga zo gukomeza n’ahandi tuzajya ko bizagenda neza.” Abajijwe icyatumye ahitamo guhera ibitaramo bye i Kabuga yasubije muri aya magambo, ati “Naganiriye n’abashumba benshi batandukanye, muri Vivante nakiriwe mbere, nakiriwe neza.”
Pastor Amon wahaye Aline $500 yashimiwe uruhare rutaziguye yagize mu buzima bwa Aline Gahonganyire
Amafaranga yakusanyijwe muri iki gitaramo arenga miliyoni imwe y’amafaranga y’u Rwanda, yavuze ko ari inkunga ikomeza gukusanywa ikifashishwa mu gufasha abababaye n’abanyeshuri umuryango wa ‘Ineza Family’ urihira. Aline waranzwe n’ibyishimo bisendereye ku rubyiniro ati “Hari imishinga myinshi dufite gukora, hari ababyeyi nawe wabonye bari hano mu rusengero dusanzwe dufasha babarizwa mu Ineza Family n’abandi bose twitaho ayo mafaranga azifashishwa mu kubafasha.”
Gatera Joshua umuhuzabikorwa wa Ineza Tour
Umuhuza bikorwa wa Ineza Tour, Gatera Josua yavuze ko yishimira uko gitaramo cyagenze cy’i Kabuga. Ati “Mu by’ukuri twabiteguye tutazi uko bizagenda, twahoranaga ibibazo nk’abashinzwe kubitegura. Ariko biduhaye ishusho y’uko n’ahandi tuzajya bizagenda neza. Biduhaye akanyabugo ko gukomeza gukora”
Yavuze ko nyuma yo kuva i Kabuga bashobora gukomeza ibi bitaramo byabo i Nyamata mu Karere ka Bugesera cyangwa se i Rusizi mu Burengerazuba bw’u Rwanda. Iki gitaramo cyasojwe ahagana saa tatu n’igice, inshuti, abavandimwe n’abafana ba Aline Gahongayire bamugaragarije urukundo bifotoranya abandi bamushimira ku bw’umugisha yabahesheje.
AMAFOTO:
Janvier Kayitana kuri stage ahimbaza Imana
Abaririmbyi
Serge ubwo yari ageze ahabereye igitaramo
Eglise Vivante yabereyemo igitaramo cya Aline Gahongayire
Camarade yashimiwe na Aline, avuga ko yamugumyeho ubwo inshuti zose zari zamutaye
Amashimwe akomeye
Ubwitabire bwari hejuru
Yayeli mu gitaramo cya Aline Gahongayire
Eddie Mico yahesheje benshi umugisha
Kayitana yavuye ku rubyiniro yuzuye icyuya, yahise ajya kwicara inyuma
Ev Fred Kalisa (Ibumoso) yahanuriwe umwaka utaha nk'iki gihe azaba yakoze ubukwe
Aline ati 'Ndanyuzwe' abwira umukozi w'Imana
Uyu muraperi MD yanyuze benshi
Eddie Mico yicurangira
Serge yageze ku rubyiniro akubita igitwenge ashima Aline wamuhaye uyu mwanya
Ndi umunyamugisha kubagira
Umubyeyi wa Aline azamuye amaboko aha Imana icyubahiro
Aline aramukanya
Yabanje gusenga mbere yo gufata indangururamajwi
Serge nawe yicurangiye
Pastor Bugingo Emmanuel
Amen,Amen,...
Benshi banyuzwe
Umunyamakuru Mike Karangwa yanyuzwe mu ndirimbo 'Warampishe'
Aline yatse umugisha wa kibyeyi
Babu ku rubyiniro
Mike ati "Urakoze cyane mushiki wanjye, nkukundira ko uhora ukotana."
Amafoto hanze y'urusengero yacicikanaga
Aline yashimye abakozi b'Imana bamufashije kugeza n'ubu
REBA HANO 'WARAMPISHE' BY ALINE
AMAFOTO: Janvier Iyamuremye-Inyarwanda.com
TANGA IGITECYEREZO