Abahanzi bahatanira PGGSS8 bataramiye i Kabuga-AMAFOTO

Aka karuhuko ubusanzwe bari bemerewe kaje guhurirana n’igitaramo bagombaga gukorera i Kabuga cyo gukomeza gukangurira abafana gukomeza kubatora ndetse ari nako Bralirwa ikangurira abakunzi ba muzika bujuje imyaka gukomeza kwinywera inzoga yabo Primus ari nayo basangamo nimero batoreraho abahanzi bakunda, bashyigikiye mu irushanwa rya PGGSS8.

Aba bahanzi uko ari icumi bagiye ku rubyiniro bahereye inyuma, bivuze ko umuhanzi wabanje ku rubyiniro ari Young Grace, wakurikiwe na Uncle Austin, Queen Cha, Mico The Best, Khalfan,Just Family,Jay C,Christopher, Bruce Melody na Active ari nabo bashoje ku rubyiniro. Aba bahanzi bose baririmbaga indirimbo imwe gusa ubundi igihe bari ku rubyiniro bakibutsa abakunzi babo uko babatora.

Ibi bitaramo bisa n'ibyo gushimisha abatuye uduce ibitaramo binini bya Primus Guma Guma Super Star ya 8 itazanyuramo ariko nanone ni no mu rwego rwo guha amahirwe abahanzi bagahura n'abakunzi babo bakanabibutsa kubatora.

Mc Buryohe ni we wari uyoboye iki gitaramoYoung Grace ni we wabanje ku rubyiniroUncle AustinQueen ChaMico The BestKhalfan imbere y'abakunzi ba Hip HopJust FamilyJay C abafana bamwemereye kumutora kuri nimero ye 4Christopher abafana bamwemereye kumutora kuri gatatuBruce Melody ari mu bishimiwe cyane i Kabuga Itsinda rya Active ni ryo ryashoje igitaramo