Captain Jean Marie Ntagwabira yashyinguwe mu irimbi rya gisirikare i Kanombe-AMAFOTO NA VIDEO

Mu gitondo cyo ku wa kabiri tariki ya 3 Gashyantare 2015 ni bwo inkuru y’ akababaro yasakaye mu Rwanda hose Capitaine Jean Marie Ntagwabira yitabye Imana aguye mu bitaro bikuru bya gisirikare biherereye i Kanombe, bikaba byaremejwe ko yazize indwara y’ umuwijima

Umurambo wa nyakwigendera Jean Marie Ntagwabira usezerwaho n' inshuti n' abavandimwe

Jean Marie Ntagwabira yavukiye i Bujumbura mu  Burundi ahigira amashuri abanza, amashuri yisumbuye yayize muri Zawadi, Uvira, Congo. Arangije amashuri yisumbuye yaje gufata iceyemezo cya kigabo asanga ingabo za RPF Inkotanyi zari zigamije kubohora igihugu, aha niho yaboneye ipeti rya kapiteni

Ubwo hashingwaga ikipe ya APR FC Jean Marie Ntagwabira yayibereye umukinnyi ukomeye, nyuma yo kuyikinira yayibereye umutoza ukomeye w’ amateka ayifasha kwegukana ibikombe bya shampiyona. Nyuma yaje kuva mu ikipe ya APR FC yerekeza muri ATRACO ayihesha ibikombe bitandukanye. Yaje kongera yerekeza muri Kiyovu ahava yerekeza muri Rayon Sports, ubu akaba yatabarutse yari mu ikipe ya Sunrise yari abereye umuyobozi wa tekinike

Jean Marie Ntagwabira yari umutoza wubatse izina muri ruhago haba mu Rwanda no muhanga kuko yaba ikipe ya APR FC ikipe y’ igihugu Rwanda B yakiniye ndetse n’ amakipe yaciyemo ari umutoza kandi akayagiriramo ibihe byiza nka APR FC, ATRACO, Kiyovu Sports na Rayon Sports hakiyongeraho na Sunrise yari abereye umuyobozi wa tekinike ndetse yifuzaga ko yayibera umutoza mukuru

Jean Marie Ntagwabira atabarutse nyuma y’iminsi 40 gusa yari ishize yakiriye agakiza akiyemeza kuva mu byaha dore ko mu mpera z’umwaka ushize tariki ya 25/12/2014 aribwo yafashe icyemezo yakira agakiza abatirizwa mu mazi menshi

Amakuru aturuka mu shuti za hafi baganiraga na nyakwigendera avuga ko yari yarigeze kubaganirira ko namara gukizwa akakira agakiza azahita yitaba Imana, ibi akaba yari yarabihanuriwe, ndetse ibi bikaba byemezwa n’ izo nshuti ze ko yaba atabarutse ameze neza ku mutima nyuma yo kwiyegurira Imana

Nyakwigendera asize umugore n’ abana babiri b’ abahungu aribo Ntagwabira Haruna na Ntagwabira Cedric bose bakiri bato

Abafashe ijambo bose baba abo bakinanye, abasirikare bakoranye, abatoza bakoranye abayobozi n’ abavandimwe bagiye bagaruka ku bigwi bya nyakwigendera Jean Marie Ntagwabira bigaragara ko asize amateka kandi meza aho yagiye aca hose

REBA VIDEO Y'UKO BYARI BIMEZE 

Umurambo wa nyakwigendera

Alex Muyoboke nawe yari yaje guherekeza nyakwigendera

Nshimiyimana Eric utoza AS Kigali yagaragaza akababaro asigiwe na Ntagwabira

Abasirikare bakomeye bakoranya na nyakwigendera bari bahari

Okokwo Godfroid utoza Mukura VS 

Nzamwita Vincent De Gaule uyobora FERWAFA yemeje ko FERWAFA izarihira amashuri abana basizwe na nyakwigendera

Abafana b' amakipe atandukanye nabo basezeye ku murambo wa nyakwigendera

Umutoza Nshimiyimana Eric wabanye na nyakwigendera cyane amusezeraho

Abantu batandukanye bafashe umwanya wo gusezera bwa nyuma kuri nyakwigendera

Perezida wa FERWAFA Nzamwita Vincent De Gaule asezera ku murambo

Andy Mfutila Magloire watozaga Rayon Sports

Abantu batandukanye basezeye ku murambo

Berekeza ku irimbi rya gisirikare riherereye i Kanombe

Umurambo ugejejwe aho wagombaga kuruhukira

Umurambo wurutswa uganishwa ku gituro

Abakinnyi bose bakinira ikipe ya APR FC bari baje gufata mu mugongo umuryango wasigaye

 Alphonse M.PENDA (Amafoto: Niyonzima Moses)