Leta Zunze Ubumwe za Amerika ubu nizo zifite umubare munini w'abanduye Covid-19 ku isi, virusi Perezida Donald Trump yitaga iy'Abashinwa ubu yiganje cyane mu gihugu ayoboye ndetse yahamagaye Perezida w'u Bushinwa ngo baganire.
Abanduye iyi virus muri Amerika bamaze kwiyongera cyane mu
gihe gito gishize, ubu bararenga 85,500 mu gihe mu Bushinwa habarwa 81,782 naho
mu Butaliyani 80,589 nk'uko bivugwa na Johns Hopkins University.
Abajijwe
kugira icyo avuga kuri ibi, Perezida Trump yatangaje ko bari kumenya abanduye
bashya kubera ubushozi bwo gupima iyi ndwara bwiyongereye.
Visi
Perezida wa Amerika Mike Pence yavuze ko ubu muri Leta 50 zose babasha gupima iyi ndwara
ndetse mu gihugu hose hamaze gupimwa abantu barenga 552,000.
Nubwo
imibare y'abanduye muri Amerika iri kuzamuka cyane, Trump akomeje kuvuga ko
Abanyamerika batagomba guhagarika akazi kuko ari ko igihugu cyubakiyeho.
Yagize
ati: "Abantu baranyumva nabi iyo mvuze ngo basubire mu kazi -
nibagasubireho ariko birinda bishoboka, bakaraba intoki birinda kuramukanya
bahana intoki n'ibindi byose twavuze".
Yatangaje kandi ko yagiranye ikiganiro kuri telefone na mugenzi we Xi Jinping w'u Bushinwa baganira kuri iki cyorezo. Iyi virus yahereye mu Bushinwa mu mpera z'umwaka ushize - Bwana Trump kenshi yayise "virus y'Abashinwa".
Kuri Twitter yanditse ati: "U Bushinwa bwayiciyemo cyane ndetse bufite uburyo bwumva cyane iyi virusi. Ubu turi gufatanya bya hafi. Icyubahiro kuri bo".
Src: BBC
TANGA IGITECYEREZO