RFL
Kigali

Zamalek yegukanye Igikombe cya ‘CAF Super Cup’ yandagaje Espérance de Tunis - AMAFOTO

Yanditswe na: Mupende Gedeon Ndayishimiye
Taliki:16/02/2020 0:35
0

Ikipe ya Zamalek yo mu Misiri yegukanye igikombe kiruta ibindi muri Afurika “CAF Super Cup” nyuma yo kunyagira Espérance Sportive de Tunis yo muri Tunisia ibitego 3-1 mu mukino wabereye kuri Stade Thani Bin Jassim muri Qatar.



‘CAF Super Cup’2020 yakinwaga n’ikipe yatwaye CAF Champions League (Espérance) ndetse n’iyatwaye CAF Confederation Cup (Zamalek SC) mu mwaka w’imikino ushize, CAF ikaba yarahisemo ko uyu mukino kubera muri  Qatar.

Zamalek niyo yatangiye umukino neza kuko  yafunguye amazamu hakiri kare ubwo ku munota wa kabiri Mohamed Abdel-Shafy yatsindaga igitego cya mbere, ku mupira wari uvuye kuri  Youssef Obama.

Iyi kipe yo mu bwami bwa Pharaoh yakomeje gukina neza, inahusha uburyo bwinshi bw’ibitego aho ku munota wa 16 ndetse na 25 Moustafa Mohamed yashoboraga gutsinda  igitego cya kabiri ariko umupira uca hejuru y’izamu.

Mu gice cya kabiri, Espérance de Tunis yahinduye umukino ndetse ibona penaliti yinjijwe neza na Abdelraouf Bengiut nyuma y’uko ikoranabuhanga rya VAR rigaragaje ko El Wensh yakoze umupira ari mu rubuga rw’amahina.

Nyuma y’imino itatu, Zamalek yongeye kuyobora umukino itsindiwe igitego cya kabiri na Achraf Bencharki wanatsinze ikindi igitego cyashimangiye intsinzi y’Abanya-Misiri ku munota wa gatanu muri itandatu y’inyongera.

Gutsinda uyu mukino byatumye Zamalek SC yegukana Igikombe cya Super Cup ku nshuro ya kane mu gihe icyo yaherukaga yagitwaye mu 2003.

Zamalek yashyikirijwe igikombe inahabwa ibahasha irimo ibihumbi 200$ mu gihe Esperance de Tunis yahawe ibihumbi 150$. 


Zamalek yegukanye CAF super Cup 2020 itsinze Esperance du Tunis


Zamalek yegukanye igikombe irusha Esperance










TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND