Ahabanza Imyidagaduro

ShaddyBoo ni we uzayobora ibirori bya Silent Disco bigiye kubera i Karongi ku nkengero z'ikiyaga cya Kivu

Yanditswe na: Emmy Nsengiyumva
Taliki:5/02/2019 18:53 0

Mu karere ka Karongi ku nkengero z'ikiyaga cya Kivu hateganyijwe igitaramo cya Silent Disco ahazacurangira aba Djs bakomeye hano mu Rwanda. Kuri ubu amakuru mashya kuri iki gitaramo ni uko kizayoborwa na ShaddyBoo.

Ibi bitaramo bya Silent Disco bikunzwe bikomeye cyane mu mujyi wa Kigali, kuri ubu byajyanywe mu mujyi wa Karongi, ahagiye guhurira aba Djs bakomeye mu Rwanda. Ni ubwa mbere ibi birori bigiye kubera mu mujyi wa Karongi cyane ko bikunzwe mu mujyi wa Kigali ariko abantu benshi bibazaga impamvu indi mijyi yacikanwe.

Shaddyboo niwe uzayobora iki gitaramo...

Shaddyboo umwe mu bakobwa bakurikirwa n'abantu benshi mu Rwanda ku mbuga nkoranyambaga ni we uzaba ayoboye iki gitaramo gitegerejwe tariki 16 Gashyantare 2019 muri Delta Resort Hotel. Hazaba hari aba Djs barimo Dj Miller, Dj Marnaud, Dj Toxxyk, Dj Anita Pendo ndetse na Dj Mupenzi bazaba basusurutsa abakunzi ba muzika i Karongi. Kwinjira muri iki gitaramo bizaba ari amafaranga ibihumbi bitanu by'amafaranga y'u Rwanda (5000frw) ku muntu umwe.

Silent Disco igiye kubera i Karongi...