Abantu batandukanye bo mu gisata cy’iyobokanama bahurira muri All Gospel Today igizwe n'abahanzi,abanyamakuru, abayobozi b’amakorali na za Minisiteri zivuga ubutumwa bwiza ndetse n’abapasiteri barimo abayoboye amatorero akomeye hano mu Rwanda,bahuriye hamwe barasabana biyemeza kuba inyabutatu bagakorera mu bumwe mu guteza imbere Gospel.
Ni igikorwa cyabaye kuri uyu wa mbere tariki 2 Gicurasi 2016 kuva isaa kumi n'ebyiri z'umugoroba kibera muri Kalisimbi Hotel mu mujyi wa Kigali kitabirwa n'abantu hafi 80. Icyo gikorwa cyateguwe n’ihuriro All Gospel Today rigizwe n’abantu bahujwe na WhatsApp. Mu bitekerezo byahatangiwe, biyemeje kuba umwe, bakaguka,bagateza imbere Gospel bahuriyemo ndetse nabo ubwabo bakaba bakora bimwe mu bikorwa byabateza imbere.
Babanje kujya mu mwuka wo kuramya Imana
Muri uwo muhuro wishimiwe na benshi ndetse bakifuza ko wajya uba buri mwaka, hari bamwe mu bapasiteri bakomeye barimo Apotre Alice Mignone Kabera, Bishop Samedi Theobald, Bishop Dr Masengo Fidele, Pastor Isaie Baho, Pastor Jackie Mugabo, Pastor Pascal Habimana, Rev Kayumba n’abandi.
Bishop Dr Masengo Fidele yabasabye kuba mu bumwe bakaba abakristo nyabo
Hari kandi abahanzi batandukanye barimo Theo Bosebabireba, Stella Manishimwe, Janvier Muhoza, Diana Kamugisha, Alice Big Tonny, Hope Kalinda, Mutabaruka Fulgence,n’abandi barimo abavugabutumwa baturuka mu matorero atandukanye ukongeraho n’abayobozi mu matsinda ahimbaza Imana.
Icyo gikorwa kitabiriwe kandi n’abanyamakuru barimo abayobozi b’ibitangazamakuru bya Gospel nka Didace Niyifasha uyobora Radio Inkoramutima, Peter Ntigurirwa uyobora Isange Corporation, Nsengiyumva Rene Hubert uyobora ibyishimo.com, Steven Karasira ukora kuri Radio Umucyo, Nakure Pasco wa Flash Fm, Ngendahimana Samuel wa The New Times, Ayabba Paulin wa Family Tv, Ronnie wa Royal Tv n’abandi.
Alain Numa niwe wayoboye ibyo birori
Byari ibyishimo bidasanzwe ku bantu bitabiriye icyo gikorwa na cyane ko aribwo bwa mbere mu Rwanda abahanzi, abanyamakuru n’abapasiteri bari bahujwe no gusabana no kungurana ibitekerezo ku cyateza imbere Gospel bahuriyemo. Apotre Mignone ni umwe mu bishimiye icyo gikorwa,anatungura benshi nk’umwe mu bafite impano yo kuririmba,aririmbana na Theo Bosebabireba indirimbo ivuga uburyo Imana ibibutse bakaba bishyize hamwe.
Andi mafoto yaranze iki gikorwa cyahuje abo mu itsinda All Gospel Today
Apotre Mignone na Bishop Samedi baganirije abitabiriye uyu muhuro ku ndangagaciro z'umukristo
Apotre Mignone na Bishop Samedi baganirije abitabiriye uyu muhuro ku ndangagaciro z'umukristo
Bosebabireba yavuze ko ari ubwa mbere ahuye n'abantu basobanutse agasabana nabo
Valentine uzwiho gukora ibikorwa by'urukundo birimo gufasha abana n'abatishoboye
Pastor Jackie Mugabo na Diana Kamugisha ni bamwe mu bitabiriye umuhuro
Baganiriye barasabana baranasangira
Umuhanzikazi Alice Big Tonny hamwe na Maneri
Rebecca Hillary na Stella Manishimwe wamenyekanye mundimbo "Ninjye wa mugore"
Janvier Muhoza wamenyekanye mu ndirimbo Izabikora
Pastor Jackie Mugabo uyobora Sisterhood in Christ International Ministries
Umuvugabutumwa Peter Bushayija wo muri Restoration Church Masoro
Manzi Nelson wo muri Ambassadors of Christ yashimye Imana kubw'iri huriro
Didace Niyifasha(ibumoso)umuyobozi wa Radio Inkoramutima
Abanyamakuru Issa Noel Karinijabo na Rene Hubert
Eddie Mico, Esther Umwiza, KaQueen na Pasco
Umuvugabutumwa Joseph Uwagaba Caleb
Umunyamakuru Justin Belis wo kuri Radio Inkoramutima
Diane Kamugisha wabaye umuhanzikazi w'umwaka muri Groove Awards umwaka ushize
Umuhanzikazi Hope Kalinda umwe mu batangiye umuziki mu myaka ya kera
Becky,Alice Tonny na MD bishimiye guhurira hamwe bagasabana
Ayabba Paulin, Bishop Samedi na Ev Peter Bushayija
Marie Jeanne Neema hamwe na Rev Kayumba uririmba mu njyana ya Hip Hop
Mu gusoza baje kwiyakira basangira amafunguro
Amafoto- Ngendahimana Samuel
Eng
RSS 
TANGA IGITECYEREZO