Intumwa Apotre Alice Mignone umuyobozi wa Women Foundation Ministries na Noble Family Church ategerejwe mu gitaramo cy’ubuhanuzi cyateguwe n’itsinda riramya rikanahimbaza Imana ryitwa Precious Stones worship team kizaba kuri iki cyumweru kuwa 27 Werurwe 2016 kikabera Kimihurura kuri Women Foundation Ministries.
Mu kiganiro Inyarwanda.com yagiranye n’umwe mu bayobozi ba Precious Stones, Billy Irakoze yadutangarije ko bateguye igitaramo kiswe icyumweru cy’ubuhanuzi “Prophetic sunday”kikaba cyaratumiwemo Alarm Ministries ndetse Intumwa Mignone akaba ariwe uzigisha ijambo ry’Imana muri uwo mugoroba.
Alarm Ministries yatumiwe muri icyo gitaramo
Icyo gitaramo kizatangira isaa kumi n’imwe n’igice z’umugoroba kugeza isaa mbiri n’igice (17h30 -20h30). Billy Irakoze yavuze ko muri icyo gitaramo cy’umugoroba w’ubuhanuzi bazaba bari kumwe na Alarm Ministries itsinda rikunzwe n’abatari bacye mu karere kubw’ibihango byaryo bibahumuriza imitima. Yagize ati:
Prophetic Sunday” ni umugoroba w’ubuhanuzi by’umwihariko wiganjemo gusabana n’Imana binyuze mu ndirimbo zo kuramya no guhimbaza Imana ndetse tukumva n’ijambo ry’ubuhanuzi. Muri icyo gitaramo tuzaba turi kumwe na Alarm Ministries ndetse na Apotre Mignone azaba ahari, kuko ni uwacu ni umuyobozi wacu.
Intumwa Alice Mignone niwe uzigisha ijambo ry'Imana muri icyo giterane
Itsinda Precious Stones ryiteguye cyane iki gitaramo
Eng
RSS 
TANGA IGITECYEREZO