Selena Gomez na Benny Blanco bagaragaje ko urukundo rwabo rufite umwihariko, bakaba bagiye gushyira ahagaragara album yabo yitwa "I Said I Love You First".
Iyi album ikubiyemo indirimbo zerekana inzira yabo nk'abakunzi, ndetse ifite intego yo kwishimira umusaruro wabo w'umuziki mbere yo gutekereza ku bindi bibazo by’ubuzima.
Entertainment Weekly ivuga ko mu gihe bagiye gushyira ku mugaragaro iyi album ku itariki ya 21 Werurwe 2025, abahanzi bombi batangaje ko bashyize imbere umushinga w’umuziki mbere y’ibindi bikorwa, harimo n’ubukwe bwabo.
Selena na Benny bari bamaze igihe kinini bakorana, ndetse nyuma yo guhamya urukundo rwabo, bari kwishimira umusaruro w’iyi album.
Benshi mu bafana babo bategereje ko indirimbo zizagenda zigaragaza umubano wabo, nk’indirimbo ya mbere "Scared of Loving You" ndetse na "Call Me When You Break Up". Aha bakaba barerekanye ubuhanga mu muziki wabo, bashimangira ko urukundo rwabo rwihariye.
Nubwo bashimangira umwete mu muziki, Selena na Benny ni abahanzi batangaje uburyo bakora umuziki basangiza abakunzi babo, bazirikana kandi bagira umwete wo kugaragaza ubuhanga mu muziki no mu rukundo rwabo.
Eng
RSS 
TANGA IGITECYEREZO