Elisabeth I yagizwe Umwamikazi w’u Bwongereza: Ibyaranze iyi tariki mu mateka y’Isi

Tariki 15 Mutarama ni umunsi wa 15 mu igize umwaka, hasigaye 350 ngo ugere ku musozo.

Bimwe mu byaranze uyu munsi:

558 Mbere ya Yesu: Umwami Nebukadinezali II w’i Babuloni yashyize icyicaro cye i Yerusalemu, cyaje kuhava mu mwaka wa 586 mbere ya Yesu Kirisitu.

1559: Elisabeth I yagizwe Umwamikazi w’u Bwongereza.

1759: Inzu Ndangamurage y’u Bwongereza yafunguye imiryango.

1777: Mu mpinduramatwara ya Amerika, Leta ya New Connecticut (ubu yabaye Vermont) yatangaje ubwigenge bwayo.

1892: James Naismith yashyize ahagaragara amategeko agenga umukino wa Basketball.

1992: Umuryango Mpuzamahanga wemeye ubwigenge bwa Slovenia.

2001: Urubuga rwa Wikipedia rwashyizwe ku murongo wa Internet bwa mbere.

2007: Barzan Ibrahim al-Tikriti wahoze ari intasi ya Iraq akaba n’umuvandimwe wa Saddam Hussein, yakatiwe igihano cy’urupfu amanitswe we n’uwahoze ari Perezida w’Urukiko Rukuru.

2009: Indege ya Amerika ya Sosiyete US Airways, yaguye mu Mugezi wa Hudson, nyuma gato yo guhaguruka ku Kibuga cy’Indege cya La Guardia yerekeza i New York. Iyi mpanuka nta muntu n’umwe yahitanye.

Abavutse kuri iyi tariki:

1432: Umwami Afonso V wa Portugal.

1918: Gamal Abdel Nasser wahoze ayobora Misiri.

1929: Martin Luther King Jr, waharaniye uburenganzira n’uburinganire bw’abirabura muri Leta Zunze Ubumwe za Amerika.

1943: Stuart E. Eizensat wari Umujyanama wa Perezida Jimmy Carter na Bill Clinton.

1979: Young Dro, Umunyamerika uririmba injyana ya Rap.

1982: Francis Zé, Umukinnyi w’umupira w’amaguru ukomoka muri Cameroun.

Abitabye Imana kuri iyi tariki:

1950: Gen Henry Hap Arnold wari Umuyobozi w’Ingabo za Amerika zirwanira mu kirere.

1973: Ivan Petrovsky, umuhanga mu mibare w’Umurusiya.

1992: Dee Murray, Umunyamerika wari umwanditsi w’indirimbo.

2000: Fran Ryan wari umukinnyi wa filime.

2007: Umunya-Canada James Hillier wavumbuye Electron Microscope.

2011: Nat Lofthouse wari umukinnyi w’umupira w’amaguru ukomoka mu Bwongereza.