Umutoza w'u Bufaransa yemeye ko Kylian Mbappé atishimye

Ibi yabitangaje mu gicuku cyo kuri uyu wa Gatanu taliki ya 15 Ugushyingo 2024 nyuma yuko u Bufaransa bunganyije na Israel 0-0 mu mikino ya UEFA Nations League.

Didier Deschamps yongeye kubazwa impamvu atahamagaye rutahizamu w'ikipe ya Real Madrid, Kylian Mbappé maze avuga uyu mukinnyi ari mu bihe bitamworoheye ndetse akaba atishimye.

Yagize ati "Ni ukuri ntabwo ari mu bihe byoroshye, biragaragara ko ari mu bihe bidashimishije mu mwuga we w'umupira w'amaguru." 

Kylian Mbappé yashakaga kuza mu ikipe y'Igihugu, gusa ntekereza ko ari byiza kuri we kudahamagarwa muri iki gihe. Umuntu wese ashobora kunyura mu bihe bitoroshye. Hari ibiba bifatika hari n'ibyo mu mutwe. "

Yakomeje avuga ku mukino banganyijemo na Israel agira ati "Ikintu cy'igenzi ni ukubona itike. Muri uyu mukino twagize amahirwe ariko twabuze imikorere nyuma yuko mu ntangiriro tutari ingufu zihagije. Twakoze byinshi mu gice cya kabiri.   

Ntabwo bishimishije kuba birangiye ari 0-0 hano mu rugo, yaba ari Israel cyangwa ikindi gihugu. Ikintu gito dushobora gukora ni ukubona itike".

Kylian Mbappé utarahahamagawe na Didier Deschamps ku nshuro ya kabiri yikurikiranya kuri ubu ari gukora imyitozo mu ikipe ya Real Madrid. Ikipe y'igihugu y'u Bufaransa izasubira mu kibuga ikina n'u Butaliyani ku Cyumweru muri UEFA Nations League.

Didier Deschamps yavuze ko Kylian Mbappé ari mu bihe bitamworoheye 

Kylian Mbappé nabwo ari kwitwara neza muri Real Madrid nk'uko byari byitezwe