Mbonyuwontuma Jean Luc wari umutoza wungirije mu ikipe ya REG Volleyball Club yasezeye kuri uyu mwanya bitewe n'inshingano nyinshi.
Nk'uko bigaragara mu ibaruwa InyaRwanda ifite kopi, ku wa Gatandatu ni bwo uyu mutoza yandikiye ubuyobozi bw'iyi kipe ya REG VC asezera.
Mbonyowuntuma Jean Luc yavuze ko asezeye bitewe n'ubwiyongere bw'inshingano gusa ko gufata uyu mwanzuro byamugoye bijyanye n'uko igihe yari ayimazemo yatwaranye nayo ibikombe.
Muri iyi baruwa yanashimiye ikipe ya REG VC kuba yaramuhaye amahirwe yo kuba umwe mu bayigize anayifuriza kuzakomeza gutsinda.
Mbonyumwami Jean Luc yageze muri REG VC mu 2019. Yabayeho umukinnyi wa Volleyball guhera mu 2002 yiga muri Christ-Roi i Nyanza maze mu 2005 ajya mu ikipe y'Igihugu gusa mu 2011 aza gusezera nk'umukinnyi wabigize umwuga.
Avuye mu ikipe ya REG VC nyuma y'uko mu minsi yashize yegukanye KAVC Memorial International Tournament 2024 muri Uganda.
Eng
RSS 
TANGA IGITECYEREZO