Ikipe ya Noam Emeran yazamutse mu cyiciro cya mbere mu Buholandi arabishimirwa

Ku wa Gatanu nibwo muri shampiyona y'icyiciro cya kabiri mu Buholandi umuriro wakaga aho amakipe 2 yose arwana no kuzamuka mu cyiciro cya mbere yari yacakiranye.

Ikipe ya FC Groningen yasabwa gutsinda gusa yari yakiriye Roda maze birangira ibigezeho iyitsinda ibitego 2-0. 

Aya makipe yombi yahise anganya amanota gusa FC Groningen ikinamo Noam Emerani ufite se wakiniye ikipe y'igihugu y'u Rwanda, Amavubi, Fritz Emeran Nkusi na nyina ukomoka mu Rwanda birangira iyirushije ibitego izigamye izamuka gutyo.

Nyuma yo kuzamuka mu cyiciro cya mbere abafana b'iyi kipe yari yaramanutse mu cyiciro cya Kabiri mu mwaka ushize bashimye bamwe mu bakinnyi barimo Emeran babaterura bitewe n'ukuntu bitwaye.

FC Groningen yaguze uyu munyarwanda mu mwaka ushize imukuye mu ikipe y'abatarengeje imyaka 21 ya Manchester United.

Byari biteganyijwe ko Noam Emeran azahamagarwa n'ikipe y'igihugu y'u Rwanda, Amavubi mu bakinnyi bitegura kuzakina na Benin na Lesotho mu gushaka itike y'igikombe cy'Isi cya 2026 gusa byarangiye adahamagawe.

Noam Emeran wateruwe n'abafana