Mu ijoro ryo ku wa Gatandatu, Girona yatsinze FC Barcelona ibitego bine kuri bibiri, ihita ibona amahirwe yo gukina UEFA Champions League ku nshuro yayo ya mbere.
Umwaka w'imikino 2024-25, Girona izakina UEFA Champions League ku nshuro yayo ya mbere mu mateka yayo, ibi ikaba yabigezeho nyuma yo gutsinda FC Barcelona ifite Champions League eshanu.
Gutsinda FC Barcelona, byatumye Girona ikora ikinyuranyo cy'amanota 13 hagati yayo na Athletic Bilbao ya Gatanu, biyiha icyizere ko nubwo yatakaza imikino ine isigaje gukina muri Laliga, yasoreza mu makipe ane ya mbere akitabira UEFA Champions League.
Girona yatangiye kuba ubukombe nyuma y'uko muri 2017 umushinga ufite Manchester City witwa City Football Group uguze imigabane ingana na 41% muri Girona. Muri 2021 imigabane ya City Football Group yarazamutse igera kuri 47%
City Football Group ifite intego zo kubaka amakipe atwara ibikombe mu bihugu aherereyemo.
Kugeza ubu amakipe abarizwa muri City Football Group ni Manchester City (100%)
Melbourne City (100%)
Mumbai City (65%)
New York City (80%)
Montevideo City Torque (100%)
Troyes (100%)
Lommel (99%)
Girona (47%)
Shenzhen Peng City (46.7%)
Yokohama F. Marinos (20%)
Palermo (94 .9%)
Bahia (90%)
Girona ibarizwa muri City Football Group, bwa mbere yabonye itike yo gukina UEFA Champions League
Eng
RSS 
TANGA IGITECYEREZO