NBA Playoffs: Denver Nuggets yatsinze umukino wa kabiri, Los Angeles Lakers iguma kugwa mu manga

Kuri Ball Arena Denver Nuggets yabonye intsinzi yayo ya kabiri, aho iri gucakirana na Los Angeles Lakers muri kimwe cya Kane muri NBA Playoffs. Imikino ibiri yose Denver Nuggets imaze gukina na Los Angeles Lakers imaze kuyitsinda, aho biri gushyira Los Angeles Lakers mu kaga ko kuzasezererwa ntigere muri kimwe cya kabiri.

Umukino warangiye Denver Nuggets ifite amanota 101 kuri 99 ya Los Angeles Lakers.

Nubwo Los Angeles Lakers yatsinzwe uyu mukino, niyo yari yitwaye neza mu gice cya mbere, aho yatsinze agace ka mbere n'amanota 28 kuri 24 ya Denver Nuggets, aka kabiri itsinda amanota 31 kuri 20. 

Mu gice cya kabiri, Denver Nuggets yihagazeho bikomeye,  nuko agace ka gatatu itsinda amanota 25 kuri 20 ya Los Angeles Lakers, naho aka kane itsinda amanota 32 kuri 20 ya Los Angeles Lakers. Umukino warangiye ari amanota 101 ya Denver Nuggets kuri 99 ya Los Angeles Lakers.

Uretse Denver Nuggets imaze gutsinda imikino ibiri yose imaze gukina na Los Angeles Lakers muri kimwe cya Kane muri NBA Playoffs kuri uyu wa kabiri indi mikino yakinwe.

New York Knicks nayo yatsinze Philadelphia amanota 104 ku 101, ihita igira intsinzi ya kabiri, kubera ko umukino wa mbere wahuje aya makipe yombi nawo New York Knicks yari yawutsinze.

Cleveland Cavalier nayo yujuje intsinzi ya kabiri, ubwo yatsindaga Orlando Magic amanota 98 kuri 86. Umukino wa mbere nawo Cleveland Cavalier yari yawutsinze.

Bisobanuyeko amakipe nka Denver Nuggets, Cleveland Cavalier na New York Knicks zimaze gutsinda imikino ibiri zimaze Gukina muri kimwe cya Kane muri NBA Playoffs, naho Philadelphia, Orlando Magic na Los Angeles Lakers zikaba zitaratsinda umukino n'umwe.

Denver Nuggets yatsinze Los Angeles Lakers umukino wa kabiri muri NBA Playoffs 

Ikomeje kugorana kuri Los Angeles Lakers iri gutsindwa umusubirizo