Umugore w'imyaka 44 mu bashinjwa kwiba rutahizamu wa Newcastle United

Tariki 04 z'uku kwezi kwa Mata nibwo ubu bujura bwabaye ,ibi bisambo bitera inzu y'uyu mukinnyi iherereye ahitwa Darras Hall mu gace ka Newcastle mu gihugu cy'u Bwongereza maze bahatwara amafaranga ndetse n'imodoka byari muri uri rugo.

Nyuma yaho hatangiye iperereza kugira ngo hamenyekane abihishe inyuma y'ubu bujura none kuri uyu wa Kabiri tariki 16 Mata 2024 Police yo mu Bwongereza yatangaje ko yafashe abakekwaho ubu bujura.

Abo barimo umugore w'imyaka 42 witwa Jela Jovanvic n'abagabo 3,Valentino Nikolov w'imyaka 31,Giacomo Nikolov w'imyaka 27 na Charlie Jovanovic w'imyaka 23.

Aba bakekwaho bafashwe basanzwe ari abajura dore ko bavuzweho no kwiba amafaranga agera ku bihumbi 100 by'amayero,imitako ndetse n'imyenda mu gace ka Sunderland n'ubundi mu gihugu cy'u Bwongereza.

Polisi kandi yanatangaje ko imodoka ya Alexander Isak yo bamaze kuyibona bayikuye mu birometero 5 uvuye ahitwa Dissington Hall.

Alexander Isak wibwe n'abarimo umugore w'imyaka 44