Yongera akanyabugabo! Ibitangaje kuri Vitamin D benshi basunikira kure

Buri Vitamini ziboneka mu biribwa abantu bakoresha barya cyangwa banywa, zigira akamaro gatandukanye mu mubiri ndetse zikagira ingaruka zikomeye ku mikorere y’umubiri wa muntu uko bukeye n’uko bwije.

Vitamini D ifasha umubiri mu buryo butandukanye ariko ikagira imbaraga mu kubungabunga ubuzima bw’amagufa agakomera ndetse agakora neza bikayarinda no kuvunika byoroshye cyangwa kumungwa.

Ibi bituma bamwe bageze mu zabukuru bakunze koroha amagufa bafashwa gukomeza kubaho bakomeye igihe bimenyereza kurya ibikungahaye kuri Vitamini zo mu bwoko bwa D.

Ikinyamakuru Care/of gitangaza ko izi Vitamini zo mu bwoko bwa D zifite akamaro gakomeye ku buzima bw’imyororokere  cyane cyane ku gitsin agore, kuko zifasha imyanya y’ibanga yabo gukora neza.

Batangaza ko kubura kwa Vitamine D ihagije mu mubiri ku mugore biba bibi cyane mu gihe cyo kujya mu mihango ikaba yaza mu buryo bubi ari nako uburibwe buba bwinshi.

Bitangazwa ko Vitamini D nke mu mubiri ku bitsina byombi, biganisha ku kongera umusemburo wa testosterone, bikaganisha ku bimenyetso bishobora gutera izindi ndwara zikomeye birimo kuribwa umutwe, isereri ikabije, umuvuduko w’amaraso ukabije, umubyibuho ukabije n’ibindi.

Vitamini D igenzura uyu musemburo wa testosterone ukaringanira ku buryo utaba mwinshi ugateza ibindi bibazo, kubura kwayo bigaca amarenga ko nta bwirinzi buhagije umubiri ufite.

Dore ibiribwa byoroshye kubona bikungahaye kuri Vitamini D:

           1.     Ibihumyo

Ibihumyo “ Mushrooms” ni zimwe mu mboga ziryoha cyane ndetse zigakunda kwimeza ahantu hari imigina. Ni zimwe mu mboga zikungahaye kuri Vitamini D ikenerwa mu buzima burimo n’ubw’imyororokere.

Uretse Vitamini D, ibihumyo bifite n’izindi Vitamini ziganjemo n’imyunyungugu itandukanye kandi ikenewe na buri wese yaba igitsina gabo cyangwa igitsinagore. Bifite Fiber, Protein, Vitamin C, Folate, Iron, Zinc na Manganese na Vitamini D, Thiamin, Riboflavin, Niacin, Vitamin B6, Pantothenic Acid, Phosphorus, Potassium, Copper ndetse na  Selenium.

2.     Ibijumba

Ibijumba nabyo biri mu biribwa bikungahaye kuri vitamini D ikenewe mu mubiri wa muntu.Uretse iyi vitamini itaboneka mu biribwa byinshi, ibijumba bifite izindi vitamini zirimo vitamini C ifite akamaro ko gusukura uruhu  ndetse n’imyunyungugu nka potassium n’izindi nyinshi.

3.     Amagi

Amagi ari mu biribwa bikungahaye kuri poroteyine ndetse n’izindi vitamini zikenewe cyane nka vitamini A, D, E, K, B1, B2, B5, B6, B9 na B12. 

 Vitamin D iboneka no mu bindi biribwa bitavuzwe haruguru ariko ni kimwe mu bikenerwa n’umubiri umunsi ku wundi kandi kubura kwayo bigateza ibibazo bitandukanye biganisha no ku burwayi budakira bushobora kutera urupfu.