Uko ibyamamare byanyuze ku itapi itukura mu birori Kigali Boss Babes baherewemo itike y'indege-AMAFOTO+VIDEO

Bavuze ibi mu ijoro ryo kuri uyu wa Gatanu mu birori byabo byagejeje mu rucyerera rwo kuri uyu wa Gatandatu tariki 30 Ukuboza 2023, aho byabereye kuri Century Park Hotel i Nyarutarama mu Mujyi wa Kigali.

Abitabiriye ibi birori bari bashyizwe mu byiciro bibiri, harimo abari bicaye mu myanya ya Miliyoni 5 Frw n’abandi bicaye ku meza ya Miliyoni 3 Frw. Ku meza hariho icyo kunywa, ariko buri wese yasabwaga kwigurira.

Hari amakuru avuga ko abarenga 50 ari bo baguze amatike, ni mu gihe abandi bagiye bahabwa ubutumire (Invitation) bwabafashije kwitabira ibi birori.

Ni ibirori byaranzwe cyane n’umuziki wavanzwe na Dj ndetse na ‘Band’ yagiye inyuzamo igasusurutsa abantu mu bihe bitandukanye bitewe n’ibyabaga bigezweho.

Buri wese wanyuze ku itapi itukura (Red Carpet) yanagize umwanya wo kuganira n’itangazamakuru, cyane cyane ku buziama bwe n’ibindi bikorwa asanzwe akora.

Ibi birori by’abambaye umukara byitabiriwe n’ibyamamare kuva kuri The Ben kugeza kuri Okkama, bose bari bahuriye ku gushyigikira Kigali Boss Babes.

Mu ijambo rye, The Ben yavuze ko yitabiriye ibi birori kubera ko ari inshuti ya La Douce ndetse na Alliah Cool babarizwa muri Kigali Boss Babes.

Yavuze ati “Nishimye kuba twese twahuje umugambi umwe wo gushyigikira bashiki bacu. Kuri njye ndabakunda, kandi ndabashyigikira cyane. Alliah ni inshuti yanjye, La Douce ni inshuti yanjye. Kuba muri aha ngaha, mu by’ukuri dushyigikira inzozi zabo ni ibintu byiza cyane.”

The Ben uherutse gushyira hanze indirimbo ‘Ni Forever’ yanakoresheje uyu mwanya mu kwifuriza abitabiriye ibirori umwaka Mushya Muhire wa 2024. Ati “Muzawugiriremo imigisha yose.”

Umunyamuziki Ommy Dimpoz wo muri Tanzania, yavuze ko kwitabira ibi birori byaturutse ku kuba amaze iminsi mu Rwanda, aho yari yitabiriye ibirori by’ubukwe bya The Ben na Uwicyeza Pamella.

Yumvikanishije ko yanogewe n’uburyo yakiriwe, bituma yiyemeza kumara igihe kinini ‘kubera ko mu Rwanda ni ahantu heza cyane’.

Queen La Douce yashimye cyane buri wese wabanye nabo mu ijoro ridasanzwe mu buzima bwabo, kuko ibirori byabo byahuriranye n’ibya Zari. Ati “Ibi ntabwo twabifata nk’ibintu byoroheje kuri twe. Turabashimira.”

La Douce yashimye kandi ibyamamare byitabiriye, avuga ko kuri we atari yiteze ko byitabirwa ku kigero cyo hejuru. Ati “Twabiteguye ku munota wa nyuma, ariko kubera urukundo rwanyu, kudushyigikira, no kubatumira mukaza, byarashobotse.”

Amb. Alliah Cool yavuze ko bafashe igihe kinini mu gutegura no gutunganya filime ye ya mbere bamuritse. Avuga ko mu buryo bw’amajwi yatunganyijwe na Producer Kiiiz wo muri Country Records naho Gad ayikora mu buryo bw’amashusho.

Yashimye cyane imiryango yabo ndetse n’abahanzi banyuranye babashyigikiye kuri uyu munsi.

Prophet Joshua uri mu bitabiriye ibi birori, yavuze ko nyuma yo kureba iyi filime yakozwe n’aba bagore, byatumye yiyemeza kubaha itike y’indege yo kuzasohokera mu Mujyi wa Kinshasa muri Repubulika Iharanira Demokarasi ya Congo (RDC).

Uyu muvugabutumwa yavuze ko asanzwe ari inshuti y’aba bagore, bikaba biri mu byatumye yiyemeza kubatera imbaraga mu rugendo rwabo rw’ibikorwa bakora.

Christelle wo muri Kigali Boss Babes yavuze ko yitaye cyane ku myambaro y'ibara ry'umukara ajyanishije n'ibi birori

Amb.Alliah Cool yashimye buri wese washyigikiye ibikorwa byabo kuva batangiye


Bamwe mu bakobwa basanzwe ari inshuti z'abagize Kigali Boss Babes bafata ifoto y'urwibutso

Gashema Sylivie yanyuze ku itapi itukura nyuma y'igihe atagaragara mu bikorwa bya Kigali Boss Babes

Nyuma yo kunyura kuri 'Red Carpet', umuhanzi mu njyana gakondo Ruti Joel yagiye kwicara mu myanya yari yateguriwe

Abagize Kigali Boss Babes bari bicaye ku meza yiganjyeho ibyo kunywa bya Skol

Gashema yavuze ko bakozwe ku mutima n'uburyo abantu babashyigikiye

Umunyamideli Christelle ari kumwe na Queen La Douce nyuma yo kunyura kuri 'Red Carpet'

Kimwe mu byo abagize Kigali Boss Babes bitayeho harimo no kutiyicisha inyota

Ommy Dimpoz yashimye Kigali Boss Babes ku bwo kwihuriza hamwe

Ommy Dimpoz na The Ben mu ifoto imwe nyuma y'umusangiro n'abantu banyuranye

The Ben yanyuze ku itapi itukura ari kumwe n'umugore we Uwicyeza Pamella

The Ben yavuze ko ari inshuti y'abagize Kigali Boss Babes, biri mu byatumye yitabira ibirori byabo

Alliah Cool yahuje urugwiro n'umunyamuziki Ommy Dimpoz wamamaye muri Tanzania

Ommy Dimpoz yanyuzagamo akaganira na The Ben, inshuti ye y'igihe kirekire

Umuraperi Danny Nanone yitabiriye iki gitaramo nyuma yo kumurika Album ye ya mbere

Producer Fayzo wakoze indirimbo z'abahanzi benshi nka 'Igisupusupu', 'Mico The Best' n'abandi

Prophet Joshua yemereye itike y'indege Kigali Boss Babes yo gusohokera mu Mujyi wa Kinshasa

Ommy Dimpoz yamenyekanye mu ndirimbo zirimo 'Me and You' yakoranye na Vanessa Mde

Ommy Dimpoz yaserutse muri ibi birori yambaye ikabutura n'inkweto ndende

Amb.Alliah Cool ubwo yatambukaga ku itapi itukura (Red Carpet) mu birori bateguye

Abagize Kigali Boss Babes baserutse mu myambaro y'igiciro kinini

Bad Rama yaserutse agatoki ku kandi ari kumwe na Marina afasha muri The Mane

Director Gad wafashe amashusho ya filime mbarankuru ya Kigali Boss Babes

Umuhanzi Ross Kana wo muri 1: 55 Am yaririmbiye uyu mukobwa indirimbo 'Fou de Toi'

Niyo Bosco uherutse gusohora indirimbo 'Eminado' ubwo yari amaze kunyura kuri 'Red Carpet'

Umuhanzi Afrique yavuze ko asanzwe akunda cyane ibara ry'umukara

Okkama wamamaye mu ndirimbo zirimo 'Iyallah' yaserutse afite igipupe mu mugongo

Gahunzire Aristide wagize uruhare rukomeye mu gutegura ibirori bya Kigali Boss Babes

Umuhanzi Dany Nanone aganira na Phil Peter nyuma yo kunyura kuri 'Red Carpet'




Umuhanzikazi Bwiza ari kumwe na Niyo Bosco mu birori bya Kigali Boss Babes

KANDA HANO UREBE UKO IBYAMAMARE BYATAMBUTSE KU ITAPI ITUKURA

Kanda hano urebe amafoto menshi yaranze ibirori by'abambaye umukara bya Kigali Boss Babes

AMAFOTO: Serge Ngabo-InyaRwanda.com