Umuhanzi w'icyamamare, Michael Jackson, yongeye guca agahigo gakomeye ko kwinjiza amafaranga menshi angana na Miliyoni 115 z'Amadolari muri uyu mwaka wa 2023, mu gihe amaze imyaka 14 apfuye.
Michael Jackson, ufatwa nk'umwami w'injyana ya Pop, akomeje kwandika amateka na nyuma y'imyaka 14 yitabye Imana. Uyu mugabo yamaze gutangwazwa ko ariwe uri ku mwanya wa mbere mu bahanzi batabarutse binjije amafaranga menshi mu mwaka wa 2023.
Nk'uko bisanzwe ikinyamakuru Forbes Magazine, gikunze gushyira hanze ukuri ku mitungo y'ibyamamare bitandukanye, muri iki gihe umwaka wa 2023 wenda kurangira, Forbes yatangaje ko nyuma y'imyaka 14 Michael Jackson apfuye bitamubujije gukomeza kwinjiza.
Iki kinyamakuru cyatangaje ko by'umwihariko uyu mwaka yawinjirijemo amafaranga angana na Miliyoni 115 z'amadolari. Aya uyashyize mu manyarwanda ni Miliyari 120.
Michael Jackson yinjije akayabo ka miliyoni 115 z'amadolari mu 2023
Michael Jackson waje ku mwanya wa mbere ku rutonde rw'abahanzi bapfuye binjije amafaranga menshi mu 2023, yaje imbere y'icyamamare Elvis Presley ufatwa nk'umwami w'injyana ya 'Rock', aho yinjije Miliyoni 100 z'Amadolari mu 2023.
Mu bandi bahanzi bakomeye bitabye Imana binjije agatubutse mu 2023 harimo Whitney Houston winjije miliyoni 30 z'Amadolari, Prince winjije Miliyoni 30 z'amadolari kimwe na Houston, Bob Marley witwa umwami w'injyana ya Reggae nawe yaje kuri uru rutonde aho yinjije miliyoni 16 z'Amadolari.
Michael Jackson kandi ni nawe uyoboye urutonde rw'abahanzi bapfuye binjije agatubutse mu 2023
Eng
RSS 
TANGA IGITECYEREZO