Jungkoo akomeje kwigarurira imbuga nkoranyambaga zirimo Twitter, TikTok na Instagram nyuma yo kujya Live ku rubuga ruganirirwaho ariko rw’ubucuruzi rwitwa Weverse agafatwa n’ibitotsi aragona abarenga miliyoni esheshatu (6) bari maso bamukurikiye.
Ni ikiganiro yagiranye n’abafana be mu ijoro ryo ku itariki 11 Kamena 2023 cyamaze iminota 21. Byatangiye avuga ko yabuze ibitotsi kubera kubura ibitotsi. Umuririmbyi wo muri BTS yanyarukiye kuri Instagram ye aganiriza abamukurikira bari babonetse ku bwinshi dore ko basaga miliyoni 6.
Jungkook uri mu bagize BTS yatengushye miliyoni 6 zari zimukurikiye nyuma yo gufatwa n’agatotsi agasinzira kandi ari live kuri Weverse. Hari mu gitondo saa moya ubwo yari yabuze ibitotsi anyarukira kuri ruriya rubuga ngo aganirize abari bamukuriye.
Yari mu buriri yambaye umupira w’umukara ari mu gitana yiyoroshe amashuka y’umweru. Yagiyeho atangira kuganiriza abari bamukurikiye ariko aca amarenga ko ibitotsi nibiza kumufata aza gusinzira ntibatungurwe.
Abafana ba BTS basanzwe bitwa ingabo (Army) bahise bafata amashusho ye ari kugona bayasakaza kuri Twitter batera urwenya ku buryo mu isaha imwe yari imaze gusaranganywa 890,000 (Tweets). Abafana ba Jeon Jungkook bamugaragarije urukundo banamubwira ko bamwishimiye kandi abahora ku mutima.
BTS yamamaye mu myaka 10 ishize. Igizwe na RM (ubayobora), Jin, Suga, J-Hope, Jimin, V na Jungkook. Ku itariki 12 Kamena bizihiza isabukuru bamaze bamamaye. Umuzingo wabo wa mbere wagiye hanze ku itariki 12 Kamena mu 2013.
Ni umuzingo witwa”2 Cool 4 Skool”. Bayimuritse bari mu biganza bya Big Hit Entainment. Bangtan Sonyeondan (Bulletproof Boys) biyise BTS. Kuri ubu BTS iri mu karuhuko kubera ko bari gukora inshingano za gisirikare nk’uko buri mu-South Korean aba abitegetswe.
Abari mu myitozo ni Jinn a J-Hope. Weverse ni urubuga rukoreshwa mu kuganira aho iboneka kuri telefoni za Android ikaba ikoreshwa by’umwihariko ku bahanzi baganira n’abafana babo. Isoko y'inkuru
Eng
RSS 
TANGA IGITECYEREZO