Umuraperikazi Megan Thee Stallion aravugwa mu rukundo na Romelu Lukaku

Umuraperikazi Megan Jovon Ruth wamamaye ku izina rya Megan Thee Stallion akoresha mu muziki, uri mu bakobwa bakunzwe cyane mu njyana ya Rap/Hip Hop muri Leta Zunze Ubumwe z'Amerika, ari kuvugwa mu rukundo n'umukinnyi w'umupira w'amaguru Romelu Lukaku umwataka w'ikipe ya Inter Milan yo mu Butaliyani.

Megan Thee Stallion aravugwa mu rukundo na Romelu Lukaku

Aba bombi batangiye kuvugwa mu rukundo nyuma yaho ku wa mbere w'iki cyumweru bagaragaye batashye ubukwe bwa Lautaro Martinez nawe ukinira ikipe ya Inter Milan. Mu mashusho akomeje gucicikana ku mbuga nkoranyabaga yagaragaje Megan na Romelu bicaranye ku meza amwe ndetse hari n'abagaragaza bafatanye ibigaza binjira ahabereye ibi birori.

Megan arikumwe na Romelu batashye ubukwe bwa Lauturo Martinez

Biravugwa ko aba bombi bamaze iminsi bawubanye

Hari kandi andi mashusho abagaragaza bari kuganira bahuje urugwiro nyuma y'uko ubu bukwe burangiye. Ikinyamakuru Marca cyatangaje ko umubano wa Megan na Romelu watangiye kuvugwa mu ntangiriro z'ukwezi gushize ubwo uyu muraperikazi yitabiraga umukino wa Inter Milan yambaye ijezi iriho amazina ya Romelu Lukaku ariko bigafatwa nk'ubufana busanzwe. Ibi ariko byafashe indi ntera ubwo batashye ubukwe barikumwe.

Megan Thee Stallion aherutse kwitabira umukino wa Inter Milan

Muri Gashyantare nibwo Megan yatandukanye na Pardison bamaranye imyaka 2

Megan Thee Stallion w'imyaka 28 yaraherutse gutandukana n'umuraperi Pardison Fontaine bari bamaranye imyaka ibiri mu rukundo, mu gihe Romelu Lukaku w'imyaka 30 aherutse nawe gutandukana na Sarah Mens bari bamaranye imyaka 5 bakundana. Kugeza ubu, yaba Megan na Romelu ntanumwe uremeza aya makuru y'urukundo rwabo.

Hakomeje kuvugwa byinshi ku mubano wa Megan na Romelu