Vigorous Gang ni itsinda rikora injyana ya Hip Hap, rigizwe n’abasore babiri aribo Tuyizere Dieudonne uzwi nka (Master Mind) nk’izina akoresha mu muziki na Tuyubahe Gad uzwi nka (Wizy Gad).
Kuri ubu imyaka ibiri irashize aba basore binjiye mu muziki nyarwanda. Bavuga ko bakunda umuziki ku buryo bawutangaho ibishoboka kugira ngo bawuteze imbere.
Mu kiganiro na InyaRwanda, bavuze impamvu bahisemo kwitwa Vigorous Gang. Tuyizere Dieudonne [Master Mind] yagize ati: "Izina ryacu ni inshoberamahanga, ubusanzwe Vigorous bisobanura "to Strong, Active" ibintu nk’ibyo”.
Master Mind ubarizwa muri Vigorous Gang
Yakomeje avuga impamvu yahisemo kwitwa Master Mind. Ati: ”Hari igihe "Man" ibintu bitangira ukabona bisa nta mutwe bifite. Niyo mpamvu naje ngo iyi njyana nyibere Master Mind, mu muziki naje nta mutuzo ShowBiz igiye kunyumva”.
Wizy Gad umwe mu bagize itsinda rya Vigorous Gang
Wizy Gad na Master Mind bavuga ko baje kwereka abanyarwanda indi njyana nshya bise “Vigatrap” izatanga itandukaniro n’abandi. Bavuga ko ari abafana bakomeye b’abahanzi Racine na Bull Dog bikomeye, ko babyemeye bakorana indirimbo.
Kuri ubu iri tsında rimaze kugira indirimbo eshatu arizo “Nyamabara”, “Last night” ndetse na “Yebaba” ari na yo bahereyeho batangira umuziki. Bavuze ko kandi mu minsi micye bazashyira hanze indirimbo ebyiri arizo “Nineza” ndetse na “High School” izasohokana n’amashusho yayo.
Ni abafana bakomeye ba Bull Dogg na Racine
REBA INDIRIMBO ZABO ARI ZO “NYAMABARA” YA VIGOROUS GANG
Eng
RSS 
TANGA IGITECYEREZO