BePawa
ATHF
Kigali

Premier League: Impungenge ni zose ku bwandu bushya bwa COVID-19 bushobora gutuma ibintu bihindura isura

Yanditswe na: SAFARI Garcon
Taliki:14/12/2021 11:49
0


Mu gihe cy’iminsi irindwi gusa, abasifuzi n’abakinnyi batangiye gupimwa ubwandu bushya bwa COVID-19, ibisubizo byagaragaje ko abantu 42 aribo bamaze kwandura, ibintu byatangiye gutera impungenge abakunzi b’umupira w’amaguru ko hashobora gukorwa impinduka zirimo no kubakumira ku bibuga mu rwego rwo kwirinda ikwirakwizwa ry’iki cyorezo.



Premier League yatangaje ko mu bipimo 3805 byafashwe hagati ya tariki ya 6 n’iya 12 Ukuboza, habonetse abantu 42 banduye COVID-19, byateye inkeke abategura iri rushanwa kuko uyu mubare ari munini ubonetse nyuma y’abantu 40 banduye bari babonetse muri Mutarama uyu mwaka mu bipimo 2295 byari byafashwe mu cyumweru kimwe.

Raporo yashyizwe hanze igaragaza ko abanduye bageze kuri 42 nyuma yo kwiyongeraho 30 kuko hagati ya tariki ya 29 Ugushyingo n’iya 5 Ukuboza hari habonetse abanduye 12 mu bipimo 3154 byafashwe.

Ku Cyumweru tariki ya 12 Ukuboza, Premier League yasubitswe umukino wari guhuza Brighton na Tottenham kubera uburwandu bwa COVID-19 bwugarije Tottenham, ndetse n’umukino wagombaga guhuza Brentford na Manchester United kuri uyu wa Kabiri tariki ya 14 Ukuboza, nawo wamaze gusubikwa kubera iki cyorezo.

Amakipe 6 muri Premier League arimo Brighton, Tottenham, Leicester, Manchester United, Aston Villa na Norwich ni yo amaze gutangaza ko afite abantu banduye COVID-19.

Ku wa Kane w’icyumweru gishize, amakipe yo muri Premier League yasabwe gusubizaho ingamba zo kwirinda COVID-19 zirimo guhana intera no kwambara agapfukamunwa bitewe n’amabwiriza mashya yashyizweho mu Bwongereza.

Kuri uyu wa Mbere Premier League yatangaje ko ubwikube bw’uburyo iki cyorezo kiri kwandura buri gufata intera bityo ibipimo bya PCR ku bakinnyi n’abatoza bigomba kwiyongera.

Guhera ku wa Gatatu, tariki ya 15 Ukuboza 2021, abafana bagomba kwerekana ko bakingiwe inkingo ebyiri cyangwa ko nta COVID-19 barwaye mbere yo kwinjira mu bikorwa by’imikino bihuza abantu barenga ibihumbi 10 mu Bwongereza.

Ubwandu bushya bwa COVID-19 bwongeye kuizana impinduka muri Premier League





TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND