APR FC yatomboye ikipe ya Renaissance Sportive de Berkane (RS Berkane) yo muri Maroc, mu mukino wo guhatanira itike yo kwerekeza mu matsinda ya CAF Confederation Cup uteganyijwe kuzaba hagati ya tariki ya 26 Ugushyingo n’iya 5 Ukuboza 2021.
Muri
Tombola yabaye ku gicamunsi cyo kuri uyu wa Kabiri kuri i Cairo mu Misiri, yasize
APR FC ihagarariye u Rwanda mu marushanwa nyafurika itomboye RS Berkane yo muri
Maroc, aho umukino ubanza uzabera mu Rwanda, hagati ya 26-28 Ugushyingo 2021,
naho uwo kwishyura ukazabera muri Maroc tariki ya 05 Ukuboza 2021.
RS
Berkane itozwa n’umunya-Congo, Frôlent Ibenge, ikaba yaratwaye iki gikombe mu
2020 ndetse iri mu makipe ahora agera kure mu marushanwa nyafurika.
Iyi
kipe yo muri Maroc yageze muri iri jonjora rya gatatu nyuma yo gusezerera Ben
Guerdane yo muri Tunisia ku kinyuranyo cy’ibitego 5-0, mu gihe APR FC yageze
muri iki cyiciro nyuma yo gusezererwa muri Champions League na Etoile Sportif
du Sahel yayitsinze ibitego 5-1 mu mikino yombi.
APR FC yatomboye RS Berkane mu mukino uzayihesha itike y'amatsinda ya CAF Confederation Cup
Uko tombola yagenze
Berkane yegukanye igikombe cy'iri rushanwa mu 2020
Eng
RSS 
TANGA IGITECYEREZO