RFL
Kigali

Arsenal izatangirira kwa Brentford, Spurs na Man.City: Premier League yasohoye ingengabihe y’umwaka w’imikino wa 2021/22

Yanditswe na: SAFARI Garcon
Taliki:16/06/2021 12:33
0

Abashinzwe gutegura shampiyona y’u Bwongereza ‘Premier League’ ikunzwe kurusha izindi ku Isi, bamaze gushyira ahagaragara ingengabihe y’uko amakipe azahura mu mwaka utaha w’imikino wa 2021/22 uteganyijwe gutangira tariki ya 14 Kanama 2021.



Manchester City yatwaye igikombe cy’umwaka ushize niyo yashyizwe mu ihurizo ku munsi wa mbere kuko izatangira yakira Tottenham Hotspurs.

Arsenal y’umutoza Mikel Arteta izatangira Premier League isura Brentford yazamutse mu cyiciro cya mbere uyu mwaka, mu gihe Chelsea izakira Crystal Palace. Umunsi wa kabiri aya makipe y’i London azahita ahura.

Manchester United izatangira yakira Leeds United kuri Old Trafford, mu gihe Liverpool izasura Norwich City kuri Carrow Road.

Leicester City yatwaye FA Cup izahura na Wolves, Everton ikine na Southampton, Burnley izesurana na Brighton, Newcastle United ikine na West Ham, mu gihe Watford yazamutse izacakirana na Aston Villa.

Mu mikino iba itegerejwe na benshi, Liverpool na Chelsea zizahurira Anfield kuwa 28 Kanama 2021, Manchester City yakire Arsenal muri iyo weekend.

Arsenal izesurana na Tottenham kuwa 25 Nzeri uyu mwaka mu gihe muri iyo weekend City izaba yasuye Chelsea.

Manchester derby izabera bwa mbere kuri Old Trafford kuwa 6 Ugushyingo uyu mwaka, mu gihe Merseyside derby ya Liverpool na Everton izaba mu mpera z’uko kwezi ari nabwo United izahangana na Arsenal.

Tariki ya 01 Mutarama 2022, Arsenal izakira Manchester City ku kibuga Emirates Stadium.


Uko amakipe azahura ku munsi wa mbere muri Premier League 2021/22






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND