Ubuyobozi bwa Mukura bumaze umwaka n'amezi atatu budatanga agahimbazamusyi

Mukura iheruka gutsinda umukino wagombaga kubaha agahimbamusyi, tariki 14 Werurwe 2020. Kuva ubwo kugeza magingo aya, iyi kipe yambara umuhondo n'umukara ntirabasha gutsinda umukino n'umwe uyemerera guhabwa agahimbazamusyi.

Umukino w'umunsi wa 23 wa shampiyona, Mukura yatsinze Bugesera FC ibitego 2-1 byanatumye shampiyona irangira Mukura iri ku mwanya wa 4. Wari umukino wa mbere Mukura ikinnye nta bafana bahari, Muniru Abdul Rahman na Biraboneye nibo batsinze ibitego by'intsinzi mu gihe Bugesera FC yatsindiwe na Tshabalala Hussain.

Ubundi Mukura iyo itsinze umukino abakinnyi bahabwa ibihumbi 20 afatwa nk'agahimbazamusyi, gusa aya mafaranga yikuba 2 kuri buri mukino batsinze kugeza igihe bazatsindirwa.

11 bari babanje mu kibuga ubwo Mukura iheruka amanota atatu.

Abakinnyi bari babanje mu kibuga ubwo Mukura iheruka Intsinzi muri shampiyona: Edouard, Hassan Rugirayabo, Mansour Senzira, Patrick Umwungeri, Jean Paul Uwihoreye, Olih, Ramathan Niyonkuru, Gael Duhayindavyi, Innocent Ndizeye, Ntwali Evode na Iradukunda Bertrand.

Abasimbura: Regis, Biraboneye, Manzi, Ismael, Hakim, Ndayiseng, Abdul Muniru. Mu bakinnyi bari babanje mu kibuga hasigayemo 6 nabo ubu hanzamo abakinnyi nabo barimo abanyamahanga 2.

Abakinnyi 11 baheruka mu kubuga

Abakinnyi ba Mukura baherukaga kumara igihe kinini batabonye agahimbazamusyi (batabona Intsinzi) ni abakinnyi bakinnye shampiyona ya 2017/2018 ubwo bamaraga imikino 5 badatsinda. Mukura yanganyije na Bugesera FC 0-0, itsindwa na Kiyovu Sport igitego 1-0, itsindwa na As Kigali ibitego 2-0, inganya na Marine 0-0, isoreza kuri Sunrise banganya igitego kimwe kuri kimwe.