Zlatan Ibrahimovic wa AC Milan yakize Coronavirus

Ibrahimovic na mugenzi we bakinana Leo Duarte, ndetse n'abandi bakinnyi bane bakinana muri AC Milan bapimwemo Coronavirus mu minsi 15 ishize.

ariki 24 Nzeri 2020, uyu mugabio w'imyaka 39 y'amavuko, anyuze ku rukuta rwe rwa witter yanditse ko umunsi wari wabanje yari yapimwe Coronavirus bagasanga ari muzima, ariko bukeye yongeye gupimwa basanga yaranduye.

Yagize ati"Ejo napimwe Coronavirus basanga ndi muzima, uyu munsi basanze naranduye".

"Nta kimenyetso na kimwe ngaragaza, Covid ifite imbaraga zo kumpungabanya. Biratangaje"!

Kuri uyu wa gatanu tariki 09 Ukwakira 2020, nyuma y'iminsi 15 asanzwemo COVID-19, Zlatan yagize ati:"Nakize, inzego z'ubuzima zabyemeje, guma mu rugo yarangiye! Ubu nshobora kujya hanze".

SK Italia yatangaje ko mu bipimo biheruka gufatwa, basanze abakinnyi bose ba AC Milan ari bazima uretse myugariro Leo Duarte na Ibrahimovic watangaje ko yamaze gukira.

Ibi bivuze ko Ibrahimovic azakina Derby yo mu mujyi wa Milan izakinwa tariki 17 Ukwakira 2020, ubwo shampiyona izaba yakomeje havuyemo imikino y'ibihugu.

Abakinnyi 4 ba Inter Milan nibo bashidikanywa kuzakina uyu mukino nyuma yo gupimwamo Coronavirus, abo ni Alessandro Bastoni, Milan Skriniar, Radja Nainggolan na Roberto Gagliardini.

Ibrahimovic azagaragara ku mukino wa Derby y'umujyi wa Milan