Cristiano yafashe umwanzuro wo guhara umushahara we mu rwego rwo gufasha Juventus guhangana na Coronavirus

Cristiano Ronaldo uhembwa miliyoni 31 z’amayero ku mwaka, yagabanyije umushahara we cyane ugera kuri miliyoni 3,8 kugira ngo afashe Juventus muri ibi bihe bigoye amakipe menshi arimo kubera icyorezo cya Coronavirus.

Uretse Cristiano Ronaldo, n’abandi bakinnyi bakomeye muri Juventus barimo Gigi Buffon, Leonardo Bonucci na kapiteni Chiellini biyemeje kugabanya umushahara wabo kugira ngo bakomeze gufasha iyi kipe muri ibi bihe.

Amakipe atandukanye ku mugabane w’i Burayi  aracyaganira n’abakinnyi bayo kugira ngo bagabanye imishahara gusa Impzamashyirahamwe y’umupira w’amaguru ku Isi ‘FIFA’ yategetse ko muri iki gihe imikino yahagaze abakinnyi n’abayobozi b’amakipe bagomba kuganira  bakabakata umushahara ku kigero cya 70%.

Uyu mwanzuro wafashwe mu gihe ibikorwa by’imikino byose byahagaze hafi mu bihugu byose byose byo ku Isi kubera icyorezo cya Coronavirus gihangayikishije abatuye Isi. 

Cristiano yakoze benshi ku mutima kubera igikorwa gikomeye yakoreye ikipe ye akinira

Cristiano na bagenzi be bemeye guhara imishahara yabo