Nyuma yaho OMS iherutse gutangaza ko ibihugu by'amahanga byemeye guha inkongo z'ubushita bw'inkende ibihugu byo muri Afurika,Repubulika Iharanira Demokarasi ya Congo niyo igiye kuba iya mbere mu kuzakira.
Nk'uko byatangajwe n’umukuru w’itsinda rishinzwe kurwanya indwara y'ubushita bw'inkende, Cris Kacita, yavuze ko Repubulika Iharanira Demokarasi ya Congo itegereje inkingo za mbere z’iyi ndwara ku wa Kane w'iki cyumweru, naho kuwa Gatandatu ikazakira inkingo za kabiri.
Aya makuru yahamije na Ministri w’ubuzima muri iki gihugu wanavuze ko bagiye gutangira gukingira mu duce twugarijwe n'iyi ndwara.
Ishami ry’Umuryango w’Abibumbye ryita ku buzima OMS, mu kwezi gushize ryatangaje ko iyi ndwara yatangiriye muri Repubulika Iharanira Demokarasi ya Congo ari icyorezo gihangayikishije Isi. Gusa uburyo bwo kuyikumira bwahuye n’imbogamizi zishingiye ku ibura ry’inkingo.
Umukuru w’itsinda rishinzwe kurwanya iyi ndwara ntiyatangaje ingano y’inkingo Repubulika Iharanira Demokarasi ya Congo iteganya kwakira kuri iyo minsi yombi.
Kuva iyi ndwara yadutse muri Congo abagera ku 19,710 bamaze kuyandura, nk’uko bitangazwa na Minisiteri y’Ubuzima muri icyo gihugu.
Mu butumwa bw'amashusho Minisitiri w’Ubuzima wa DR-Congo, Roger Kamba, yavuze ko bagiye kwibanda ku gutera imiti yica udukoko mu mashuri no gushishikariza abana gukaraba intoki cyane cyane muri iki gihe amashuri agiye gutangira.
Eng
RSS 
TANGA IGITECYEREZO