EPL: Arsenal yagumye mu kirere, Man City ijwigiriza Wolves iguma kurekerereza

Arsenal yongeye gushimangira umwanya wa mbere, nyuma yo gutsinda Bournemouth ibitego bitatu ku busa.

Ku munota wa 45 ni bwo Arsenal yafunguye amazamu kuri Penaliti yatewe na Bukayo Saka, nuko igice cya mbere kirangira ari igitego kimwe cya Arsenal ku busa bwa Bournemouth.

Mu gice cya kabiri nabwo Arsenal yagumye kotsa igitutu mu izamu rya Bournemouth, nuko ku munota wa 70 Leandro Trossard atsinda igitego cya kabiri cya Arsenal.

Ubwo umukino wari hafi kurangira, ku munota wa 90+7 Declan Rice yatsinze igitego cya Gatatu cya Arsenal.

Umukino warangiye Arsenal itsinze ibitego bitatu ku busa bwa Bournemouth, nuko Arsenal ihita igira amanota 83.

Ku wundi mukino, Manchester City yafashe Wolves iyitambika ibitego bitanu kuri kimwe, ihita igira amanota 82 aho irushwa inota rimwe na Arsenal ya mbere.

Ku munota wa 12 Erling Haaland yafunguye amazamu kuri Penaliti. Ku munota wa 35 Haaland yongeye gutsindira Manchester City igitego cya kabiri, no ku munota wa 45+3 atsindira Manchester City igitego cya Gatatu.

Igice cya mbere cyarangiye ari ibitego bitatu bya Manchester City, byose byatsinzwe na Haaland.

Mu gice cya kabiri, nabwo Manchester City yaje ifite gahunda yo gutsinda ibitego byinshi, kubera izi ko niramuka ikoze ikosa rito ibitego nabyo bishobora kuzayifasha kwisobanura na Arsenal.

Haaland wari wagize umukino mwiza, yaje gutsinda igitego cya Kane ku munota wa 54, nyuma y'umunota umwe Hwang Hee-chan yari aboneye Wolves impozamarira ku gitego yatsinze ku munota wa 53.

Ku munota wa 85, Manchester City yabonye igitego cya Gatanu cyatsinzwe na Julian Alvarez.

Umukino warangiye ari ibitego bitanu bya Manchester City kuri kimwe cya Wolves, Manchester City ihita igira amanota 82.

Kugeza ubu Arsenal iracyari iya mbere n'amanota 83, ikurikiwe na Manchester City ifite amanota 82.

Manchester City niyo ifite amahirwe menshi yo gutwara igikombe kuko isigaje gukina imikino itatu, naho Arsenal ikaba isigaje imikino ibiri.

Manchester City iramutse itsinze imikino yose isigaje yagira amanota 91, naho Arsenal yatsinda imikino isigaje imbere yagira amanota 89.

Erling Haaland yatsinze ibitego bine muri bitanu Man City yatsinze, ayifasha kuguma kwiruka kuri Arsenal 

Arsenal yagumye ku mwanya wa mbere, nyuma yo gutsinda Bournemouth